時間過得真係快,又一個月了,仲有一個月妹妮就踏入terrible 2了。其實一直生活習慣都無變過,仍然係一日5餐+小食。三餐奶兩餐粥+兩碗湯,有時weekend就會小餐奶或粥,食下街外食品。不過仍然未能將早餐改為固體食物,因為一早起身係要飲奶。平時小食多數係生果,最鐘意食龍眼(佢叫窿顔)。
尋晚買了幾個啫喱凍比妹妮食,有齊4個色

食到lam lam 脷,竟然自己可以食晒一個
!

而家已有主見,你想點就點已經不復見了。鐘意會話‘I like it’,唔鐘意就NO! 無D人情未。妹妮最叻係把口,而家已經好似一般細路咁有對答了,可以自組句子成句講出來。
最搞笑係平時同佢玩puzzle認字,其實一早已認得晒但又不厭其煩每日都要玩。識講have, 不過無分have同has,一律叫hab. 例如 mami hab drink, aerin hab drink too. 好搞笑! 見到R for Ruler,會話Ruler...daddy take ruler so much 咑修扮(打手板)證明在妹妮心目中爸B成日攞出間尺大佢啦!
仲識用iphone,識unlock個screen,又可以自己㩒Dgame出來。

仲有呢套動物puzzle,只要拎起一塊妹妮就可以講出係那一種動物,不得不佩服她的超強記憶!

仲好鐘意新買的growth chart,猛指住paul frank話monkey...sit... aeroplane ... flying ... in sky。

有得度高了

@23個月大,妹妮高92CM,重30.2磅,屬大隻妙一簇。妹妮係全班最高加上個樣又老積,經常被以為大個真實年齡。其實我有D擔心妹妮細個高,到大個又唔識高。。。即係佢本身唔高,只不過係提早標高囉。因為我細個時一直都排前幾位,到中三後以前我覺得好高的同學都矮過我了。希望妹妮唔係我那些覺得好高的同學類型啦。

大腳八,而家腳仔長6吋了!!

舊年買對UGG boot都係買4-5號,今年睇返個size chart要買8或9號了!

好喇,今日終於的起心肝同妹妮玩件熨畫衫。只要將圖案小心撕出來

再排位,妹妮做樣幫下手。

再用高溫熨斗熨1分鐘

Da Da!!!撕開隔住的tissue就見到圖案已經黏得好實了。

成品!仲有幾隻士啤圖案留返第二件tee用!正!!

呢個妹妮掛住聽barney咪me叫幫手都無應我 -____-"

最近識跳了!!
No comments:
Post a Comment