做兄弟

記憶中朋友結婚做姊妹都好似僅僅做過一次，男版姊妹就真係第一次。

上個weekend連續返了一個週未工，一直踩埋星期一（１２月７日）先有得抖下。不過拍擋William結婚叫到做兄弟，一生人一次，無計啦！

由於要著西裝襯番其他兄弟，Wylie早幾日買定件一樣的打底Ｔ用來襯西裝褸，兩個女兄弟襯埋一齊好似整齊Ｄ嘛。不過件褸個袋又細，所以連相機都無帶，唯有靠其他兄弟post了相先有得download番。

晨早８：２０分就入到錦綉，整花車，影相，原來做男家無女仔咁姿整都好好玩架！！　

接新娘時可能Ｄ姊妹知道有兩個女兄弟，玩遊戲都好hang kan，好易過關！新娘子出房門一刻更開心到流涙呢。

午飯後就出發去紅棉道註冊，我們差Ｄ遲到潻！之後直踩去馬場婚宴場地，整日行程都鋪滿了。

晚宴時在新人出場時我們負責開花砲迎新人，舉起花砲又驚爆又驚開極開唔到都幾緊張。

最後整個婚禮都完滿結朿，在此再祝一對新人白頭到老，永結同心！