星期日一早帶埋妹妮返公司食個早餐，順便執野，因為這個咪me工作了４年的地方要搬了，星期一開始就去新地方返工了。雖然只係一個工作的地方，但係都帶比我無限的快樂回憶，要搬真係有Ｄ唔捨得。雖然這裡附近又都係舊樓，街市，其實卻又超方便，尢其這𥚃又近我返工，揮一揮手就有小巴到，截的士都不過廿零蚊。以後新地方就不能再撘得起的士了。
臨別前爸Ｂ要再食他覺得好抵食的吉列豬扒早餐，順便等我替自己的行裝封箱
影返張相留念呀
十點鐘就要趕去幼稚園註冊，因為都揀定了所以費事多比其他留位費，亦費事霸住個位，等其他在waiting list的小朋友多個機會。從forum得知有Ｄ家長因為小朋友未有offer，擔心都瞓唔著，我地算好好彩有得揀，所以決定唔去就放番個位出來啦。
妹妮今日都有黎，妹妮被派去呢間係新一Ｄ的campus，我們上次去面試的係舊校，所以我地都未來過。
我想像中雖然個campus係新Ｄ，但都只可能係４０年同３０年的分別。不過去參觀過後覺得呢間環境好似新好多，上次都無點見過這些滑梯等設備，可能上次面試圍晒㯗收起了。
今日先發覺原來妹妮而家已經識自己走入架車入面仲要識刪埋車門潻！
妹妮見到呢度成個遊樂場一樣，好開心走來走去
最鐘意sir滑梯
擒上擒落，趁爸Ｂ同妹妮去玩，咪me就去註冊，順便報埋校車，原來８月３０日就開學喇！
鍚鍚爸Ｂ
呢度真係有好多設施比小朋友玩呀，好似比之前去另外兩間都多設施。
見到呢Ｄ太盤物體更加瘋狂，即時跑埋去揸車，仲一邊扭太一邊唱歌！
臨走時去呢Ｄ迷你洗手盤洗下手，我問妹妮鐘唔鐘意呢間學校呀？佢一尾答yes。我其實無問過妹妮鐘意邊間，但估佢應該唔記得面試的事了，不過既然今次玩過後鐘意，就希望妹妮會喜歡在這裡返學啦。
No comments:
Post a Comment