Aerin's school concert

期待今日好耐了！！因為係妹妮有份上台表演的大日子呀！！

一早yayaGigi就幫妹妮打扮好，今日衣著要以紅/綠二色為主，唔駛專登買，隨便在妹妮堆衫都摷得到呢個combo。妹妮一直都好驚風筒，一吹頭即刻鬼揸咁叫。

出門前仲走去霸住我部電腦話‘i do something’　然後㩒㩒下個keyboard。

等了成年終於可以同妹妮一齊著起件乾濕褸了！件褸仍然大一點（嘻嘻，可以著埋出年！），不過著起都好cute，比上年啱身好多。

今日場地係明愛中心，因為怕無車位所以我地搭的士。

兩父女

仲印埋場刊，妹妮那班會表演兩首歌呀。

入到hall入面已經見到妹妮Ｄ同學仔了。呢到好紅呀，除了坐椅紅色，連好多姐姐/家長都著埋紅色先奇！

一片紅海，佢地三個同一班，所以friend D。

老師仲取笑這位妹妮hug緊的Ernest係妹妮個男朋友，一見妹妮就話‘Aerin, your boyfriend is waiting for you’ -__-" 不過有次yayaGigi在家提及老師講笑話Ernest係妹妮男友時，爸Ｂ就話NO。雖然爸Ｂ都未見過Ernest，當然並無反對之意，不過唔想妹妮咁快比人話有男朋友就話NO。點知妹妮聽到後同yayaGigi講 ‘daddi say NO’ 好似知道爸Ｂ唔比佢有男朋友咁，當時個語氣真係好搞笑！

上台喇！yayaGigi話佢地為這個concert學唱了兩首歌，仲練了成個多月。好緊張呀，唔知唱成點呢？在家機乎日日都聽到yayaGigi同妹妮唱歌架。

不過上到台妹妮都無開口，只有yayaGigi幫她手做動作咋！激史！！

跟住的Nursery班同Ｋ１，Ｋ２班都輪住表演，一樣由老師在台下做指揮。不過大部份細路都無點跟，有Ｄ仲喊，有Ｄ就好有表演欲唱得好大聲。以前未有妹妮我最怕細路仔，更無諗過要睇細路表演！今日睇到其他小朋友一齊表演，就算無妹妮份都覺得好得意，可能真係心態變了。

唱了兩首歌妹妮（右二紅衫綠裙個個椰殼呀！）都係斎做動作

返到屋企有幾聲咳，即刻要飲藥水，出奇妹妮而家飲上癮，搶住自己飲！