年初六與行行有約會

妹妮在家呆了兩日，星期五終於有節目了。本來好想帶妹妮去迪士尼，不過天氣實在太凍了。今日約行行飲茶，一見面就互相恭喜發財之後交換了利是。妹妮知道red pocket係好野，所以好鐘意red pocket，但唔知入面有咩。

而家兩個係鄰班同學仔，不過無成日一齊玩，見到都要warm up 下，都係行行怕醜Ｄ。好彩有個相機打破沉默。行行好似叫妹妮不如一齊玩吖！

跟住兩個lui埋一齊唔知睇咩

妹妮仲拖行行隻手潻！我發覺妹妮都幾唔似女仔，因為佢仍未識有矝持，個性豪邁，一Ｄ都唔扭怩

連食义燒包都要成個食，如果你幫佢摵開幾份，妹妮就會發𤷪憎要你'fix it'，痴番佢，大佬！摵開左既包點痴得番埋呀？所以我一早遏止住yayaGigi，咪幫佢摵呀！

妹妮仲打破過往飲茶紀錄，今次食左大半個菠蘿义燒包，一條牛肉腸粉，一碗濕炒牛河，同小量韮菜餃，鷄包仔等。

跟住轉戰反斗城！今日買了套切切玩具比妹妮。

見到行行拖住個喼又要拖埋一份。

而家無左之前大大部的電動車display，妹妮見單車都照殺要坐

兩個細路一見波波就興奮

玩完一輪都成點幾了，兩個都開始無電，趁媽咪去買書就先買個雪糕塞住兩個把口先

分甘同味

一上車妹妮已經無電即時瞓著！

臨出門前的擺甫相

叫親pose like a model，就會扭頭扭髻，情景都幾爆笑架，因為真係飽死好想嘔