原來有篇隱藏左，登番上頂先
初二朝我們一早煎蘿蔔糕，馬啼糕，年糕做早餐，其實呢Ｄ都係每年指定動作，不過我又覺得一年一次都無話會厭既。
今日打算去探太婆，順便去公公處兜埋一齊去。
嘩！叻到識同太婆拜年呀！太婆本來瞓緊晏覺都無咩反應，不過聽到妹妮之後又唱歌又跳舞都即時識笑，妹妮仲唱得大聲到差Ｄ嘈醒隔離床Ｄ婆婆。
仲好溫柔咁摸下太婆呀
跟住又去嫲嫲處，去之前妹妮見到Ｍ字嘜扯住去。今日第一次比佢食麥樂鷄，平時妹妮咬野都係好似雀仔啄下啄下咁，而家終於識咬，而且係大啖咬落去，我諗之前唔識咬係因為佢怕大啖咬落物件的感覺。
跟住我地去商場同老虎仔影相。你睇妹妮雙手，做晒Ｖ字手勢架！
虎年第一張正經的全家幅
跟住去嫲嫲屋企怱怱食過飯便出發去睇煙花，以前我地都好小專登去迫睇煙花，不過諗住妹妮會鐘意就帶佢去睇下啦。今年無人搞上船睇花，所以爸Ｂ決定揸車去海邊睇。去到時本來泊好車，不過嫌睇得唔夠正，於是決定邊行車邊睇，其實架架車都嘗試慢駛。
妹妮見到煙花都不知幾開心，猛叫fireworks，fireworks!!! 當架車駛離睇到煙花位置兜圈時又猛叫I wan to see fireworks again! 駛返見到煙花時又開心到see! fireworks! 原來妹妮咁鐘意睇煙花，咪me應承你下次再有煙花我地去近Ｄ坐定定睇呀吓！
No comments:
Post a Comment