年初一第一站去探公公，妹妮學校教佢講恭喜發財，不過佢讀成恭喜發菜一樣。今日去公公度拜年，仲識加埋雙手好似拜神一樣。之前件棉立仔換了３﹣４歲碼，兩件拼埋度呢件大好多，點知著起都係差唔多。好在可以雙面著，妹妮鐘意金色面多Ｄ。
見到全盒雙眼發光，因為好想食candy!
新年最鐘意玩柑
今日大贈送，平時會懶怕醜，今日任人抱，又好似開籠雀一樣叫佢講咩就講咩
似乎好滿意自己個做型噃
無人幫我地影唯有自拍全家幅啦，去完公公處食晏，下站就去嫲嫲度。
拿！雙手仔合埋拜年架！
同表弟都會講聲恭喜發菜架。
同表弟好friend咁喎，一齊碌！
有蝦餅食仲分甘同味潻
今日情人節，本來爸Ｂ想去老牌餐廳食扒，不過搞搞下又book左Wooloo mooloo。我地去了圓方。
想同老虎影相但係妹妮一去到商場就hyper，愈叫愈走，捉都捉唔住。
去到wooloo mooloo，點知比個路口位我地，係正reception後面。爸Ｂ話唔想對住路口我地就另去搵食。點知潮洲百樂又無開，求其去了Nahm食。之前食過ＯＫ好味，不過今晚水準麻麻，而且有好多野妹妮都唔啱食。
食唔晒打包，妹妮幫手拎外賣袋，好乖呀。佢揹在膊頭話just like mami，因為我都係揹住個袋嘛。
今日起影相叫佢Ｖ，就真係比個Ｖ你！
叫左好耐先叫得停妹妮同天使影相，仲有花收潻！
見到飛馬想撲上去坐-__-"
妹妮新屎坑當然搶住要揸花啦！今日節目完了，早Ｄ返屋企覺豬豬喇。
No comments:
Post a Comment