影相樂

自從有妹妮之後就好鐘意影相，雖然一Ｄ都唔pro，但志在影低妹妮趣怪一面，有質數自然好啦，矇矇地out晒fo都照殺。

呢位小姐，你想點呀？-_-"

yayaGigi見妹妮鍚咪me咁sweet，就拎相機幫我影低，點知妹妮見到相機居然出奇地掛住對鏡頭，仲要笑晒，唔通妹妮已經知道影相要笑呢條規矩？連個咀仔都無嘟出黎！

終於影到了，呢排妹妮好sweet架，成日要我比thousand kisses佢（即不斷咁鍚佢），有時都會好似而家咁鍚番我轉頭。有日坐坐下車，佢又話thousand kisses，跟住仲忽發奇想話octopus kiss（即係爸Ｂ成日卜卜聲的鍚鍚），仲話bee can kiss too（下？蜜蜂都識kiss咩？），於是我用指尖篤下佢臉仔就當係蜜蜂鍚鍚。

爸Ｂ又買左個平平地的定焦鏡頭，影出黎效果唔錯吖

我鐘意呢Ｄ懶pro的人清景矇

有時見到妹妮一身打扮，又好想影低佢。並唔係話套衫好靚，而係見到套衫仔就知佢又長高左幾多！上年呢條裙仔仲及膝架，點知而家已經變成件top，唔可以當裙著了。

仲手瓜起𦟌潻！

平時係屋企就係睇下書，玩下遊戲就過日晨了。

花展時買的大蝴蝶蘭，yayaGigi例牌將妹妮同花擺埋一齊影相

星期六，阿蘇效應，姑姐買來awfully chocolate蛋糕食！

妹妮又做主人家切蛋糕？

星期日去妹妮喜愛shopping的百佳，妹妮心中名牌係Park N shop同麥當勞，每次離遠見到呢兩個標誌就開心叫出來。

去到百佳，今日居然講廣東話話：我要買呢個呀（佢平時因為對住yayaGigi多，多數講英文嘛），然後隨手擸樽沙律醬，又擸牛奶，但係佢兩樣都唔食既，所以真係隨手擸架咋。

又拎起個蘋果咬落去，好彩無咬開咋，不過個蘋果留低兩行門牙印呀。

今日好乖幫手推車

仲好幫手幫我去cashier埋單潻！成個小勞工咁，好似阿笨同阿占呀。

見你咁乖，帶你去食粉粉啦！