２Ｙ５Ｍ ＋ 花卉展

話咁快又大一個月了，妹妮呢個瞓醒後識噴水既噴泉頭真係好搞鬼！

今個星期興扮睇書，無啦啦成日拎住本書話自己read book，仲要order我點樣揸本書先至啱。不過咪睇佢揸住本書，但睇來睇去都係睇緊同一頁，但係又懶勤力連出街都要一路行一路睇。

食早餐時爸Ｂ睇報紙妹妮繼績睇書。

食完早餐咪me又要幹活了

本來呢張相無咩特別，不過睇真Ｄ妹妮係離地架！原來佢咁叻識飛喎

諗都無諗過去花卉展架，不過爸Ｂ星期日提議帶妹妮去。一早起身洗白白，妹妮話要自己dry hair。

為左無咁迫，我地一早九點幾就到維園搵位泊車，之後發覺平時好多野食條電氣道間間鋪都未開！最後求其食左Ｄ唔好食既點心就去睇花了。有吏以來的花卉展都未去過，唔係有妹妮今年都唔會去呢。

不經不覺又一個月了，而家都無之前咁好記性記得每月１７日妹妮又大一日呢。

去到花展都無仔細欣賞Ｄ花架，其實我地志在同妹妮影相咋。Ｄ花做型好得意，大部份都係動物做型。

呢個妹妮叫佢做tree man，而家影相叫妹妮笑佢識對住鏡頭笑了，不過佢雖然好似成日扮model，其實唔係好鐘意影相咋。每次叫親佢比我影都走夾唔唞。

呢排又熱番，要幫妹妮除左其中一件內膽

有龍，你睇張張相都有個夾梗Ｅ出來的笑容架。

一片花海，妹妮去到一度又指住下一種動物話要去睇。

海洋生物係飛佛，離遠已經話要睇octopus，Ｄ爪識郁架！

仲有crab！雙拑都識郁架。

呢個扮野王最鐘意扮鬼扮馬，一路行又一路問。。。唔記得佢問咩了，不過記得佢個攤開雙手的作狀樣囉

熱到成頭汗，爸Ｂ買包蘋果汁，佢飲完一啖居然話‘sour’隊番比我喎！不過爸Ｂ飲完話好味佢又肯再飲，仲飲晒成包。

原來花展都有花市，可以買花架，我地又入番Ｄ蘭花。爸Ｂ同妹妮一齊聞花花，睇相都見到佢地係度索緊。妹妮近排開始識lum人，有時會無端端會話mami (或爹Ｄ或yaya)，Ｉlove Ｕ。yayaGigi放完假返黎更會攬住yayaGigi講yaya，I miss you。真係冧到yayaGigi想唔鍚佢都難呀！

我地揀左大種蝴蝶蘭，原來我鐘意那種黃底紅芯叫‘皇后’，不過爸Ｂ鐘意紫紅色呢種，就下佢啦。