今日難得又有節目，皆因Oli姐姐話自從１月開始都無緣見到妹妮，好掛住佢，於是我地以見妹妮為名，食buffet為實約出黎食tea buffet！原來而家好小酒店weekday都有tea buffet了，多數得星期５，６，日先有，好難先搵到間係市區又有得食架。為左可以出席約會，我將幾件工作上的‘任務’堆晒上午做，最後都係遲了４５分鐘。
出發前yayaGigi又幫妹妮影相，因為成日都會幫妹妮影相，所以而家叫佢pose，就會擺好甫士比你影
不過Ｄ笑容好似生硬左Ｄ囉。
甫一坐低已經密密食，實行食番夠本，幫我同yayaGigi兩個返本！
仲要自己揀食物，見到士多啤梨杯更無錯過。今日個經理話主題係士多啤梨，仲強調係organic架！搞到我差Ｄ相包走Ｄ士多啤梨等妹妮返屋企都有得食，妹妮唔知點解咁鐘意食士多啤梨，不過食落的確一Ｄ都唔酸
又士多啤梨又蛋糕，佢可以成碟清晒。
無見Ｄ姐姐一排仍然記得晒佢地Ｄ名同邊個打邊個
巴閉妹要自己食，I eat by yourself喎（係myself先啱呀傻妹！）
Vikki姐姐抱住去揀雪糕，有６種雪糕任揀
妹妮按顔色喜好揀綠色
今日食了幾件小蛋糕再加３兜燉蛋１兜布甸，８粒士多啤梨，一杯士多啤梨凍，幾啖雪糕，５片西瓜。再加小碟意粉，細碗炒飯。計落真係分分鍾仲食得多話得地架！所以大家都話下次再食buffet一定要帶埋妹妮，因為佢唔駛錢又可以食埋我地個份，咁先抵番！！
百厭星君今日好hyper，酒店入面已開心到又叫又跳，出到黎都未定！
行去Ｋ１１搵啱啱係附近的爸Ｂ一齊搭車，妹妮離遠見到爸Ｂ但無諗過go 街街都會見到爸Ｂ所以企係度望左好耐，再兜向爸Ｂ面前睇清楚，先指住爸Ｂ話this is 嗲Ｄ！
講完電話的爸Ｂ即時big hug心愛的寶貝女
No comments:
Post a Comment