星期日去完playtown我地去apm食埋lunch，今次第一次幫襯apm個foodcourt，嘩真係幾多野食噃！
等妹妮覺豬醒我地又有節目，今次約埋康然同Ellie BB去珀麗灣！我地大鄉里，今次第一次去珀麗灣咋！成班浩浩蕩蕩去到荃灣搭船。
大概十五分鐘就一班船，好快又船上了。
揀個船頭位影下相，康然１Ｙ５Ｍ，但泊埋妹妮度，妹妮即時變成４歲一樣！
妹妮都有大姐姐風範，一落船就去拖住康然，不過康然想媽咪抱抱多Ｄ。
行左一陣又再攬過，妹妮真係好friendly啫
又去睇下Ellie BB，不過ＢＢ今日好moody，可能見唔慣陌生日呱？我記得妹妮幾個月大時都突然有幾個月見人就喊，直到差不多７，８個月大先至有改善。
暫時可以一齊玩都係得康然，又走埋去拖下手，你睇妹妮拍埋康然度係咪成個４，５歲一樣？
落到灘差不多６點了，不過我地志在坐下玩下沙，所以無游水，淨係踩下水算了。
上番沙灘玩下沙，康然猛將Ｄ沙𢳂向自己，妹妮見我地叫康然唔好咁啦，又話‘唔好咁樣好唔好？’不過佢講得歪歪地，好搞笑！
連爸爸都閙康然，康然回敬一個怒啤眼神
大姐姐教康然玩沙，其實係各有各自己𢳂來𢳂去！
Ellie未識坐無得玩，爸爸同媽咪帶佢出去掂下水，但已經嚇死佢了。
都係影下相算了，我地玩了一個鐘趁天未黑就收拾細軟去食飯。
是日食泰國餐，我地帶埋妹妮飯盒出街，妹妮係沙灘見到個飯盒時已經話I want to eat my lunch。去到餐廳未點餸佢就先開餐。勉強見到晒所有人既大合照，唔記得叫人幫我地影潻。
今日妹妮同Evan叔叔唔知點解咁friend，唔只無拍醜，直情係攬頭攬頸咁滯
ＢＢ Ellie瞓完覺豬妹妮又話要去睇下佢，ＢＢ牚手牚腳，妹妮仲拍拍ＢＢ心口潻
食完飯行番出碼頭，發現個青馬橋景真係好靚噃。
去到碼頭先９：２０，點知要等到９：５０先有船！唯有在碼頭呆等啦。
又同uncle玩，今日妹妮特別鐘意‘uncle’呀
比uncle抱都無有怕，仲有個‘Ｖ’潻！！不過uncle抱完都話佢重磅，即時比番爸Ｂ抱！
No comments:
Post a Comment