再見nursey

到了分八月，妹妮要向nursery說再見了。在這家學校由playgroup讀起，一月升班上nursery，妹妮人生第一個要獨立的經歷就在這家學校見証了。這家是妹妮第二間學校，第一間是在家附近的ymca playgroup，舊年４月剛剛夠歲半時就走去玩下playgroup，但因為６月有豬流感又停學。於是由summer camp開始，妹妮就去這間新學校了。

playgroup因為兩歲以下，都要有成人陪同，而且又隔日返，不過妹妮都好enjoy返學，而且鐘意學校老師。

一月了，新學期開始升班去nursery，要獨立了！

因為返足５日，加上搭校車，開頭兩星期學校都比家人陪堂。後來除了要自己返學更加要自己搭校車！

通常yayaGigi陪上堂到一半便會溜走，我記得我都去過陪堂，當時妹妮發現我走了即時大喊要搵mami！放學無yayaGigi陪搭車，自己一個攰到‘hup’著

妹妮由初初驚到喊到後來放學會講‘happy’，真係一個好大的轉變呀，這一切都在這裏發生。

（妹妮張相係第一行中間呀）

因為返summer camp，所以著自己衫，今次本來有個theme要扮動物，但屋企又無動物衫唯有著yayaGigi從鄉下買來比妹妮的花花裙，學校還請來小忸為同學仔做face painting。

個傻妹最近飛佛就係個結他！

last day了，連summer camp都讀完了，要跟這學校說再見！前幾日我都有去接妹妮放學，見妹妮坐在班房內等老師叫名時悶悶的，但當妹妮離遠見到我時，都未及老師叫名已一聲大叫‘媽me’便一支箭般衝出來！然後一輪咀講她剛則做了什麼。。。

妹妮好似好開心我去接放學呀，所以趁今日last day，都去接妹妮放學。。。遲些去了新學校，未知學校會否這麼寛鬆，隨時比我去接呀。

老師一嗌Aerin，妹妮即時跑出班房

臨走前再同teacher Edna 影相，妹妮同我講想向teacher Edna講Ｉlove you。我帶妹妮去老師處叫她表白，妹妮卻又怕醜了。teacher Edna臨走時叮囑妹妮屬於怕醜型，要叫她多多培養信心，此時我有點眼紅紅呀。。。

好高興妹妮在這裏渡過了好愉快的一整年！希望妹妮去到Ｋ１新學校都會繼續開心快樂地讀書。