８。１２日
上星期因為睇Elmo無得去太空館，今個學期最後一次旅行點可以錯過呢！返到學校已有一列手作仔排得整整齊齊，裏面都是同學仔們的手工傑作。
今次埋位去黑板畫下畫，然後就去圖書櫃摷書叫我講故仔
上車了！！近幾日都天陰有雨，朝早好彩無雨。
仲好好太陽！！要戴帽擋晒
原來這處叫獅子會自然教育中心
我們到達獅子會未夠十分鐘就開始落雨，好彩附近有個亭可以比大家坐一陣，食下零食。妹妮最鐘意‘暗啤拿’，就要爭住擔遮，因為無比佢擔遮扭計，仲喊埋！
平靜下來，居然同同學仔Kylie S講‘Ｉcry’。。。Kylie問‘why?’ 妹妮又無答，不過掛住食零食
這個教育中心原來有一間一間不同主題的館，都叫做可以避到雨，只係館與館之間有些短路無瓦遮頭。班細路見到天花投影落地的光就爭住去踩！
第一個係魚館，有不同種類的魚魚display。通常最受歡迎都係有得‘㩒’的鍵盤，個個爭住去㩒！
跟住又有蔬菜館
見到牆上有蔬菜同昆蟲，突然同隔離個Kylie一齊唱‘butterfly butterfly fly away...’
有埋動作，有做手架！跳埋舞呀
雖然家長們都無點講解，不過小朋友見到這些display都已經開心到飛起！話晒你知每一樣物件叫咩
成班小朋友原來都有溝通的！一個話要呢埋，就成群一齊走晒去𥦬簾後面
今日妹妮同kylie特別friend，好似孖公仔一樣行孖必。
拖晒手仔的！
見掣就瘋狂！
一大班細路，未齊人架！我們應該影個認真的大合照呀。
由於大部份時間都在室內，起碼都無身水身汗，仲可以跳來跳去。
參觀完這些館已經放晴，可惜遊樂場因天雨濕淋淋所以無去玩滑梯，千鞦。換過件衫又到涼亭抖下。
Kylie仲請妹妮食士多啤梨！
無公園仔去改去canteen 開餐，好彩有個canteen，好多家長都叫粉麵或燒賣魚蛋比小朋友食，yayaGigi就帶了愛心飯盒比妹妮食。
都話妹妮最鐘意遮啦！明明好天都係要我開遮比佢擔，最弊係舞龍一樣週圍撞！
就這樣，我們又消磨了一個上午！
No comments:
Post a Comment