自從上星期上了堂creative fine art畫班後, 啟發了我同爸b有必要為妹妮調整一下佢學緊既興趣班, 因為有d班我地覺得好似無咩野學, 好似而家上緊個音樂班, 雖然話係keyboard同band music, 但係好似唱遊班多d, 都無話學到d咩. 於是打去中心問清楚, 個職員推介我地去中心另一個小提琴班, 話好多小朋友都學得好開心, 於是便轉班過去. 由於要自備樂器, 爸b拿拿聲同妹妮行去琴行買個平平地既小提琴
難得由屋企行去琴行要成廿分鐘, 妹妮都無話要抱抱呀. 爸b話琴行個阿姐揀左個好d既比妹妮, 仲幫佢較好晒d位. 妹妮好開心, 仲打電話話我知 : mami, 我買左個小tai琴呀!
爸b跟住同佢行返屋企, 都係自己行呀! 返到去急不及待要表演一下
似模似樣架, 本來今個星期上堂, 不過個老師要去表演所以順延一星期, 唔好話妹妮, 我都好期待呀!
除左換左班music class, 連art班都換埋. 而家去另一處學油畫, 無謂重覆返art班了. 於是將原本個artz mania手作仔班即時係4月轉去普通話班. 其實妹妮由playgroup到nursery到k1一直學校都有教普通話, 所以都叫有d底子.
平時每當妹妮去一個新班, 都會有d膽怯, 有時更誇到會扁咀. 不過今次可能熟晒地頭, 所以一入班房就活動自如. 中段走去裝下佢, 見到d細路個個好專心油緊顏色.
臨放學, 成班細路拎住自己幅畫
好似交換意見咁, 你指下我, 我指下你咁
一放學出黎, 妹妮即時一輪咀er ra we ah 好似一口普通話咁, 連yayaGigi都話上一堂咁快識講??
不過妹妮真係有學到生字架, 幅圖畫上的圖案就係佢地今堂既教材, 返到屋企都仲可以讀番比爸b聽.
臨走仲有貼紙, 又要講'些些', 好似實用過手作仔班咁呀.
No comments:
Post a Comment