我愛十月 之 十。八 爸B生日

對爸B都好唔公平，呢幾年都係佢生日之後搞生日會，所以都無買蛋糕再為佢慶祝。。。屋企而家有個小畫家就叫佢畫幅生日卡比爸B啦，點知佢畫左條毛蟲，但係d 腳咁長係因為要掂到下面d草喎。另外再加兩隻蝴蝶，唔駛問都知係爸B，媽me啦，再加上四寶﹣﹣＞太陽＋雀仔＋雲＋彩虹。



趁爸B去左跑步，叫妹妮幫手包裝聽日party送比小朋友既禮物。佢一聽到係送比小朋友就好開心，不過佢好似仲未有concept個party係為佢而開咁，剩係知道自己係october生日，聽日有party去。

貼好貼紙開始將唔同既小禮物入袋



做包裝部女工

又入袋又分件又包裝

最後封口，綁好袋口



小禮物完成，佢話聽日D小朋友一定好開心，自己都好開心咁話

往年都會手痕將妹妮D相做D效果晒出黎送比小朋友，今年人都懶了，所以淨係印d label出黎算了

成袋都係小禮物，妹妮好開心自己有份包裝，拎住要比yaya睇

好喇，出動食早餐喇，今日妹妮開始要返游水班同english drama班呀。
朝早妹妮問 ： 咩叫做’布‘呀？（布即係fabric囉，好似你件衫個D叫布囉。）
妹妮 ：咁’布‘ymca呢？ （哦，報！報名即係sign up for a class, 報名呀）
妹妮 ： 咁ymca係咪樓下（指個會所呀？）。。。因為佢之前都係樓下學游水，所以以為一陣游水班就係樓下囉

一人比個birthday kiss爸B

今次無去茶樓飲茶，反而去左地踎茶檔，不過一樣好食！

尢其鳳瓜排骨飯！

妹妮今次就無食妹妮最鐘意既腸粉，因為佢話屋企食完早餐已經好飽

食飽後同妹妮去上堂，以為星期六朝都係咁過了

難得個傻妹又唔抗拒返興趣班，有得玩佢就開心！



比男仔更粗魯更麻甩～！



首先上english drama，主要係想妹妮練大d個膽。因為佢雖然成日都巴巴閉閉又支喳，但係去到陌生地方陌生人前就變鵪𪂹，希望佢係drama班學到面對陌生人都可以大膽講野。接放學時見到老師教左d野而且要逐個大聲講出黎，啱晒我地心意！裝下妹妮見佢都笑笑口幾開心咁，一出黎都話個班好玩，放心了。



之後直踩去游水班，佢一d都唔攰仲好開心潻！



爸B同佢入左游池，後來先知大人唔入得，不過又無人阻止我地噃



大家一齊warm up一下，成班鴨仔就跟教練去池邊



原本我地樓下學游水極方便，但係妹妮自從K2便轉了下晝班就因為放學時間已過了上堂時間唔可以join番，於是我地就幫佢出去另覓游水班，以免啱啱學識就冷卻半年，出年都唔記得點游了。



妹妮放學時已經成兩點幾了，但係妹妮又未食晏又有D攰，於是爸B去買外賣番屋企食，唔駛又搵位泊車。坐係車度等緊爸B期間，我同妹妮講不如我地去買個birthday cake比爸B吖，佢梗係話好啦！但係我話我地兩個要看住架車車噃。
妹妮話 ： 咁等爹D返黎先去買囉。（咁咪唔suprise囉？又唔可以得你一個係架車度）
妹妮 ： 咁我地一齊去買吖 （係噃，於是我地正準備落車之際見到爸B拎住外賣返緊黎了，suprise 告催）



返到屋企妹妮食完粥都瞓覺豬了，今晚爸B話唔出街了，我地叫了dial a dinner EXP外賣，雖然無出街食，不過都幾豐富架