play date with Adrian

星期一（10月3日）又打風呀！不過只係打3號，妹妮已經唔駛返學，咁啱個日放假，約埋行行去玩先！




本來去商場食tea既，不過因為好塞車搞到我地遲晒，行行佢地又行晒商場了，於是轉陣去行行屋企玩！



兩個一到步就一支箭咁衝左去。。。



就係去cafe度霸位！不過呢日係平日又成4點幾，本身cafe都無咩人黎




等Cathy EE發板叫野食啦



兩個飲水都要cheers!



影一大輪相。。。



雖然唔係成日見面，不過見到又無陌生架噃，兩個都唔會生保怕醜。



仲當正呢度係自己屋企一樣又爬又跳



幾老友！



行行好想食薯條呀



仲有三文治，每人一件，仲叫左魚手指，諗住佢地會鐘意食



點知兩個都係食左件三文治同薯條就算！



tea完去playroom玩，今日有好多細路係playroom呀！



兩個都各有各攞玩具




到而家就黎4歲，開始會爭玩具，通常叫佢同人share，妹妮就會話‘我玩先架’。以前反而好禮讓，叫佢讓比人佢就會比人玩



佢地好像係一齊玩緊咁噃



定係比妹妮爭驘左？玩左一陣我地再返上行行屋企玩



嘩，friend到洗手都要一齊洗？？



跟住行行就展示佢既玩具櫃比妹妮睇嘞



妹妹都醒左可以一齊玩了，妹妹好想大家侵埋佢玩咁架



不過行行同妹妮今日都好似借左聾耳陳隻耳咁，叫極都唔應，對妹妹又無咩反應咁



玩到成6點幾，要走人喇！因為媽me 仲要去‘肥婆’既火葬儀式架。行行同Cathy EE送我地落樓，妹妹成日被賣甩但係都充滿笑容咁同我地bye bye架



落到樓又同McAerin影相，睇佢兩足幾興𡚒！



妹妮比行行更開心，直情彈起



送妹妮返屋企後，我去了肥婆晚葬禮，第一次去寵物葬禮。同肥婆道別，見到佢好安詳咁瞓著一樣。肥婆，我地有緣成為一家人注定我地有緣，希望你早日安息。