沒有yaya的一週。。。鋼琴比賽有獎攞呀！！

星期二 （11月13日）呢日媽me煮左炒飯比妹妮做午餐，接放學時問埋老闆想食茄汁炒定豉油炒再加汁炒起，佢食得好滋味呀！！ 呢日無得瞓晏覺，因為2點鐘有鋼琴比賽要參加呀。妹妮自從今年一月開始學琴，到而家都學左成11個月了，老師覺得比佢參加下比賽可以練習兼學下壯膽，所以我地決定參加下。



我地問過妹妮想唔想參加，佢話想喎。老師仲同佢練習埋出場時要鞠躬，妹妮係屋企練琴時都有實習架，要我宣佈佢個名，咁佢就由房走出黎。。。

不過呢D比賽都係志在參與，無壓力！！可惜入場後又唔準影相又唔準拍片。
呢日有26個小朋友參賽，我地係5﹣8歲初級組。妹妮係第8位參賽者，當叫到5﹣10號出去坐時，見佢都好陣定。到佢出到去時，表演都好穩定，但係我覺得佢已經好叻，無怯場無緊張～

26位表演過後，宣報結果了，評審問有幾多位小朋友參加過比賽，都有一半小朋友舉手，不過大家水平應該都差不多。爸B見枱上有好多獎盃，諗住係人都有架啦。原來除左1﹣3名外有兩位優異獎，宣報優異獎時，妹妮係其中一位呀！！！有獎盃呀 我地好開心呀！！對妹妮黎講更加可以增強自信心，第一次成功既感覺對妹妮真係好似打強心針一樣呀。話晒係佢人生中第一次攞獎嘛。

5位得獎小朋友

其他有份參加既都有個獎牌作獎勵

我地梗係搏命影相啦！！