沒有yaya的一週 下集

其實呢個星期除左頭兩日，我地都差不多日日有節目，所以一D都唔悶。一早約好Vikki姐姐星期三食晏，接左妹妮放學直去餐廳食lunch, 仲有禮物收潻！

去左habitu食晏，之前見過人叫呢碟fish & chip，但係塊魚真係太大太多肉，好‘溜’ 呀！

妹妮初初唔想飲龍蝦湯，但係見到個樣咁得意就話：咁試下啦

佢個足料磨菇湯又真係好好味，飲晒！

星期三陪妹妮學小提琴。。。其實佢要企足一個鐘唔準坐， 加上老師好嚴勵，我都戥佢辛苦，但難得妹妮抱住唔放棄既精神。。。真係直得加許！我坐係度睇佢上堂都差D瞓著呀，陰功～！

妹妮真係抵讚， 媽me覺得佢已經好叻了

星期四無諚去，同妹妮一齊瞓完晏覺就去學游水。。。係咪覺得妹妮有好多野學呢？其實我地原意係比佢打發時間，橫掂係屋企無聊無野做，不如去學下野好過hea下咁嘥時間吖。

妹妮由3歲既夏天開始學游水， 都學左年幾了，不過在無壓力底下，我地都無參加比賽呀 。

妹妮而家識自由式，蛙式，同背泳了

呢個星期仲要打理埋妹妮既TV toes （因為佢D腳甲好似9：16電視咁又闊又短架！）

星期五放學又約左JJ 媽咪食lunch，妹妮好鐘意佢套衫。。。忍唔住出門口時自己話 ： 公主出場了！

我地路經bossini，呢排出angry bird 呀！妹妮自己揀左幾件

第一次去Monster sushi食，妹妮好鐘意食壽司，一聽到monster sushi 個名咁搞鬼不知幾興奮。仲有Wendy EE送左生日禮物比媽me潻！

最鐘意食三文魚子飯，而家鐘意埋海膽潻！

是日戰利品，媽me都有份呀！

下午去上普通話，其實妹妮好細個已經開始學普通話架喇，相信佢D發音好過媽me好多好多倍！呢日老師見我出現仲話妹妮記性超好，讀兩次已經記得篇詩，提議我地去參加朗誦比賽呀

之後同爸B去ONE ANT食晚飯

呢個兒童餐幾啱食噃！！

仲有佢飛佛既花花腸仔！！

終於捱到weekend 了，妹妮都間中有問yaya係咪就返喇？ 呢日就跟左EE去整曲奇

因為EE 既 Emily's Kitchen 下星期（12月16日會係鰂魚涌既Island East Market 擺檔呀, 只此一次，因為呢個好似外國既farmer's market 一樣係一年開幾個星期架咋！ 到時會有home made 足料果jam 同 沙嗲XO醬賣

同埋妹妮今次玩住整既聖誕曲奇呀！！（到時果D就更係唔係妹妮整架啦）妹妮到時都會去幫手做推銷員架。

有興趣可以睇下：Emily's Kitchen @ Island East Markets 到時黎探下我地！


呢次去整餅識左個朋友仔，我地一齊去打邊爐，妹妮仲叫人嗌佢 ： 家姐！ ＠＿＠

EE送左對好靚既鞋仔比妹妮呀！！好舒服咁架，不過爸B話留返新年著新鞋喎

星期日，渣打嘉年華，可惜媽me要做野，爸B湊妹妮去玩。舊年妹妮畫左個兔仔面，今年畫左個老虎面，好得意呢！呢晚yaya返來了，明天又係正常的一天。經過單挑妹妮一週，其實一D都唔覺得辛苦。。。因為廳果幅地毯成個星期無吸過塵！其餘洗下衫煮下飯一D都無難度，係清潔就真係難D。。。又要顧住妹妮，因為佢成日嗌住你陪佢，真係好難做到家務， 一日時間好似唔夠用。yaya每日都可以吸到塵，抺到屋，洗衫熨衫，煮到飯，帶妹妮去上堂，我開始體會到，原來都好忙架！ 真係自問自己唔係一個煮婦既人材了。除左妹妮連我都好開心yaya返黎呀！