清明時節去fun fun

清明節假期，無啦啦星期3有日假期真係好正！！我地又出巡，呢排無車揸我地步兵去搭車，經過公園仔妹妮又話要玩下



我地經過埋小肥（我地隻上左天堂既貓貓）既地方，妹妮同小肥講 ： 小肥，大肥好乖呀！我成日都摸佢呀。 



鐘意呢件外套仔呀！除左衫腳有我最鐘意既ruffles，仲寫住Juicy Pretty Darling，就好似我地平時叫妹妮做darling一樣，不過加強左變pretty darling!



搭車去星光行翠園飲茶，呢度D野食都幾好食架



妹妮本來唔食髮菜，但係我地話食髮菜D頭髮就好快長存架喇，佢即刻大啖食D髮菜蠔豉粥！！



呢度個景觀都唔錯，不過係入面影到人就影唔到景



嗲霸！成日扮BB



跟住我地去1881，妹妮第一次去咋，之前成都諗起：下次帶妹妮黎影相，但次次都無件事，今日終於黎了。



無啦啦叫我地影佢跳起



easter有花花佈置影相都幾靚



上去頂睇下榕樹先



呢棵係好老既樹黎架，為左保育，剷走個山都要留番佢，不過我覺得其實一早連個山都唔應該剷走囉



妹妮叫呢個做天文台



我地入去睇下以前呢度真係有報時計架，不過舊機器已經無用了



1881呢度影相都幾靚，唔怪得成日見到有新人係度影結婚相啦



再行落去原來有晒風球D標誌，打大風時就會掛起架喇



妹妮同8號風球影相



仲有3號潻



呢度都幾有度假feel，我覺得好似去左D resort 既感覺



有舊砲台呀！！



妹妮猛問係咪真架？仲用唔用得架



影完一大輪相準備走人了



點知妹妮仲話要去公園玩多一陣先返屋企



就比佢放多一陣電先，今朝一早5：30佢就醒左，一定攰到爆，等佢放晒電返屋企大覺瞓



而家個氹氹轉郁緊佢都夠膽跳上跳落呀



玩夠了，又叫攰攰要爸B抱抱



真係無晒力咁噃



一覺瞓左成3個鐘！同大肥玩一陣，本來都由得佢自己同大肥玩



點知大肥每一個反應，妹妮都衝出黎嗌：
大肥lam 我呀！
大肥用個頭頂我個手指呀！
大肥用佢隻手拍我呀！



我話佢知咁即係大肥好鐘意同你玩囉，妹妮就話佢好鐘意同大肥玩架，仲好想同大肥一齊瞓潻呀



同大肥玩左一陣我地又出街食飯了。

爸B話近近地走食翠華，不過近極都要搭車呀


平時妹妮好小帶玩具出街，不過今日帶左電話，仲一邊行一邊同Derek傾偈潻。對話就當然係佢自己作：喂...Derek，我而家去party 呀，你黎唔黎呀？
跟住又會自動停一陣好似聽緊人講野咁，又再講 ： 你唔去呀？好啦咁我自己去啦，bye bye!

幫手埋單潻！返到屋企咁啱Disney channel播魔女宅急便，順便睇埋先瞓！