復活節假期吃喝玩。。。玩埋今日

已經連續玩左幾日了！其實平時星期六，日，我地都無咩特備節目，假期一樣，最常去既節目都係飲下茶。天氣開始熱了，妹妮D舊裙仔摷番出黎著，今年短好多了！點解妹妮會咁高既呢？？佢比好多同年一月出世既小朋友都仲要高。。。好似Sana都係一月生日，但係都矮過妹妮。。。



我當然想妹妮唔好大得咁快啦，因為成日都想佢好似BB咁吖嘛。妹妮而家好鐘意揀衫著，佢待別鐘意多顏色同鮮艷既，所以呢件外套佢好鐘意架，每次出街都話要著。



無諚去，加上呢排無車用，去唔到遠，又去mega box飲茶。



同妹妮去食市一家要有紙筆，佢唔畫畫都要寫字，總之要畫下野咁，就可以kill time，哈哈



爸B記低晒妹妮要溫習既字，隨機抽樣叫妹妮寫出黎



飲完茶居然見到公主佈置呀！！點可以唔影番幾張相？！



仲有公主房潻！啱晒妹妮胃口



公主只有灰姑娘同白雪公主咋



呢日媽me要返工呀，同妹妮飲完茶影完相便走人，留低妹妮同爸B係商場玩。其實妹妮已經記得mega box，仲記得呢度有波波池玩。於是今日爸B就帶妹妮去玩波波池。路經宣傢，妹妮次次行過D廚房都會當玩煮飯仔咁架！



而家除左招呼你坐低，仲識扮待應落單架！



其實宜傢對細路黎講都幾好行，D床又鋪得咁靚，我都好想跳上去瞓下呀！



又有兒童corner，妹妮次次去都唔覺得悶架。我記得自己細個時跟媽咪同婆婆去行街，佢地成日睇衫睇手袋，我覺得好悶架。所以都好小同妹妮一齊去買衫shopping。



仲要跳埋舞，真係好難頂架！



終於有波波池玩喇，我記得有呢個波波池有高度限制架，希望妹妮唔好咁快過高啦，因為佢每次黎都好想去玩架。



就算自己一個玩，睇住出面既爸B或媽me，佢都好enjoy架！