復活節假期吃喝玩。。。去溜冰 ＋ 朋友仔dinner

4月6日第一日復活假期，好彩有假放可以陪妹妮玩！ 上晝我地無去街呀，因為夜晚約左朋友去圓方食飯，上午又雨濛濛。我地成4點先同妹妮出去，去溜冰。對上一次溜冰都差不多成年前了。



初初我話不如去搭小巴咯，妹妮話點解唔搭的士既？聽我講完搭小巴平D吖嘛，之後我地等左20分鐘無小巴佢都話等多一陣，妹妮話：搭小巴平D吖嘛！

上星期睇完魔女宅急便，佢成日想學魔女坐掃把飛

不過妹妮企左成25分鐘都未見有車，開始支持唔住嗌攰，我地最後都係搭左的士呀。去到冰場，即刻租對冰鞋，但係無企鵝租呀，要等20個先到我地，有排等！



唯有我‘的’住妹妮格助底溜冰啦，但係佢成日仰後。我不停叮囑妹妮要將身傾向前，伸開雙手平衡自己。



同佢一齊溜左幾個圈，妹妮開始夠膽自己溜喇！！



向前卜低都唔驚！



不過後尾又仰向後跌低，櫈親個八月十五，就扁扁咀喊了，好彩佢一分鐘內就停喊又繼續玩。仲話要等到有企鵝玩先肯走喎



玩左成45分鐘先有企鵝呀！！不過妹妮好開心，因為有靠山吖嘛。有企鵝傍住又真係安心好多既


妹妮推住隻企鵝都不知幾自在，唔駛媽me傍住都得呀。



仲走去搵爸B showoff 潻！



睇佢扶住企鵝玩得幾自如!

我地溜左成個幾鐘呀！估唔到玩左咁耐，仲諗住佢玩一陣就會嗌驚嗌攰潻



一出閘妹妮已經叫肚餓喇，好彩時間啱啱好，去餐廳醫肚！




呢間餐廳D服務唔錯噃，一早set等小朋友餐具同顏色筆，啱晒妹妮



因為妹妮肚仔餓，人未齊我地就嗌左個 mini burger 兒童餐比佢食下先



係妹妮自己話要食burger都唔食意粉喎，點知佢又真係食左兩個burger. 




朋友仔到齊喇，可以開餐了！



本來3個burger，佢地3個豆丁每人一個，點知康然啱啱瞓醒無胃口，就係咁比妹妮食埋。



大人就叫左磨菇黑松露意粉，好味呀！！



Carbonara，妹妮都食左一碟！



拼盤都有幾多野食架



caesar salad with salmon



西冷扒



bacon cheese burger 



妹妮同康然都食意少食到成咀都係cream



爸B同Evan叔叔又玩低B指手掌



同埋玩妹妮最鐘意既估邊隻係中指，呢個遊戲就係Evan 叔叔教架



嘩，兩個排排坐上爸B膝頭騎馬仔



Ellie又驚驚返自己爸B度



唯有睇住兩個姐姐玩啦



康然好friendly架，成日嗌住妹妮一齊玩



甜品時間，估唔到妹妮原來鐘意食心太軟架！我自己其實唔係好’好‘



餐廳送左幾個波波比我地潻



食左成餐終於有機會大合照喇！！其實我地每逢大時大節都會約出黎架



好難先影到晒3個架



唔係走左呢個就走左果個



食飽飽都成九點幾，成班男士去睇電話，妹妮開始嗌攰要爸B抱抱

返到屋企覺覺豬，明天再玩過！