眨下眼又一年，轉眼又送龍迎蛇了！！大年初一跟大家拜個年，祝各位蛇年事事如意，心想事成，萬事亨通，身體健康！！
初一我地通常都係來回公公家同嫲嫲家，呢日先去公公家食午飯同拜年先！EE整左新年曲奇，d花花好靚呀！！
我地經過零食物語，入去行下買下禮物，點知妹妮一手已經擸左幾包零食話想買！
上到公公屋企，𢭃今年第一堆利是，叫妹妮同人講恭賀說話，佢平時可以嘴gel gel，但係今日就嘴嘟嘟，諗極都諗唔到
媽me細個時，我地習俗係新年著新衫新鞋，咩都新架，新年係最好既藉口買野！而家大左當然無話要由頭新到腳，但有時買買埋埋未著既衫褲鞋襪就呢日攞出黎著喇。妹妮今日就有新衫近鞋著嘞！
公公呢個美腿魔師第二代好正呀！！連妹妮都話舒服，呢個真係可以按埋小腿架，上一代只可以按到下小腿咋。不過爸B就鐘意按腳底多過小腿，但係得閒按下真係爽呀！！
食飯喇，今日有髮菜食，妹妮一聽到媽me話食髮菜d頭髮會長即刻話好鐘意食髮菜，仲真係食左好多潻。我地初二去澳門玩，之前呃妹妮話唔帶佢去，等佢去EE度過夜，其實之前妹妮都應承架，仲話會執自己個黑色行李喼去。點知尋晚媽me話有套親子裝本來想今日著，但係都係留番去澳門著啦，妹妮就問點解呀？我答澳門影多D相吖嘛！妹妮居然轉數好快咁問：你帶埋我去澳門咩？？ 媽me即時扮無野：唔記得係唔去潻。妹妮就開始𠼱住話Daddy話過佢乖就可以一齊去喎。
今日又整蠱佢，如果食晒碗飯就有的去啦！妹妮好努力想食晒架
離開公公家，落樓下影下相，個傻妹無喱正經，永遠都係扮鬼扮怪！
仲要EE陪佢扮埋一份！
行行下話想‘飛飛’， 睇下爸B同姨丈個樣幾吃力！！差D稱唔起佢了
去到商場d裝飾咁靚，影下相先啦！爸B話妹妮著起件泡泡褸成個花仙子一樣，因為好似朵花一樣咁靚，妹妮不知幾受落！
同姨丈影相都識叉下腰架
停不了的古靈精怪
妹妮係車上瞓左一個鐘，下一站到嫲嫲家。一去到見到新表弟，妹妮急不及待發揮媽me本色。平時係屋企妹妮好鐘意同媽me玩role play架，不過佢扮媽me我扮囡囡。
而家見到真BB，仲唔‘玩’番夠本！但係又幾好手勢噃，好似餵得表弟好舒服咁呀
仲幫手掃埋風架，不過掃唔出之嘛！
大合照，爸B屋企係大家庭，人多勢衆呀！
今晚寫住咁多先，再祝大家 家肥屋潤 橫財就手 吉星高照! 日日笑口常開!
初一我地通常都係來回公公家同嫲嫲家，呢日先去公公家食午飯同拜年先！EE整左新年曲奇，d花花好靚呀！！
我地經過零食物語，入去行下買下禮物，點知妹妮一手已經擸左幾包零食話想買！
上到公公屋企，𢭃今年第一堆利是，叫妹妮同人講恭賀說話，佢平時可以嘴gel gel，但係今日就嘴嘟嘟，諗極都諗唔到
媽me細個時，我地習俗係新年著新衫新鞋，咩都新架，新年係最好既藉口買野！而家大左當然無話要由頭新到腳，但有時買買埋埋未著既衫褲鞋襪就呢日攞出黎著喇。妹妮今日就有新衫近鞋著嘞！
公公呢個美腿魔師第二代好正呀！！連妹妮都話舒服，呢個真係可以按埋小腿架，上一代只可以按到下小腿咋。不過爸B就鐘意按腳底多過小腿，但係得閒按下真係爽呀！！
食飯喇，今日有髮菜食，妹妮一聽到媽me話食髮菜d頭髮會長即刻話好鐘意食髮菜，仲真係食左好多潻。我地初二去澳門玩，之前呃妹妮話唔帶佢去，等佢去EE度過夜，其實之前妹妮都應承架，仲話會執自己個黑色行李喼去。點知尋晚媽me話有套親子裝本來想今日著，但係都係留番去澳門著啦，妹妮就問點解呀？我答澳門影多D相吖嘛！妹妮居然轉數好快咁問：你帶埋我去澳門咩？？ 媽me即時扮無野：唔記得係唔去潻。妹妮就開始𠼱住話Daddy話過佢乖就可以一齊去喎。
今日又整蠱佢，如果食晒碗飯就有的去啦！妹妮好努力想食晒架
離開公公家，落樓下影下相，個傻妹無喱正經，永遠都係扮鬼扮怪！
仲要EE陪佢扮埋一份！
行行下話想‘飛飛’， 睇下爸B同姨丈個樣幾吃力！！差D稱唔起佢了
去到商場d裝飾咁靚，影下相先啦！爸B話妹妮著起件泡泡褸成個花仙子一樣，因為好似朵花一樣咁靚，妹妮不知幾受落！
同姨丈影相都識叉下腰架
停不了的古靈精怪
妹妮係車上瞓左一個鐘，下一站到嫲嫲家。一去到見到新表弟，妹妮急不及待發揮媽me本色。平時係屋企妹妮好鐘意同媽me玩role play架，不過佢扮媽me我扮囡囡。
而家見到真BB，仲唔‘玩’番夠本！但係又幾好手勢噃，好似餵得表弟好舒服咁呀
仲幫手掃埋風架，不過掃唔出之嘛！
大合照，爸B屋企係大家庭，人多勢衆呀！
今晚寫住咁多先，再祝大家 家肥屋潤 橫財就手 吉星高照! 日日笑口常開!
No comments:
Post a Comment