妹妮去美國 Day 1

12月20日，呢晚我地飛去LA放假呀！！妹妮期待左好耐喇，但係今次爸B唔去，得媽me帶妹妮同公公，EE，舅父 5 人同行。因為晚機，起飛前同埋爸B，yaya一齊提早食個冬至飯。去左Amaroni's，好耐無食過了，但係呢晚食物水準一般咋。。。都食左成千蚊，一d都唔抵食呀，早知食中餐好過啦。

環境就一向都唔錯既，可能我地叫唔啱d好食既野啦

成11:55pm 機，食完仲有時間返屋企hea多一陣，同爸B再攬攬錫錫一輪。肯定去到美國妹妮掛住玩都唔記得爸B姓乜

爸b呢晚車左我地搭機鐵，因為而家有優惠妹妮唔駛比＄架，所以＄160 兩位一個月內來回好抵呢。臨走前，妹妮好似都無依依不捨，可能去旅行大過天！

我地係機鐵站check in 埋行李，兩手fing fing就去搭機鐵，車上爸B已急不及待要tango妹妮了

大約10:30，我地齊晒人準備入閘！已經有成7年（妹妮出世到而家）無成家人去旅行了！每次我地呢家人一齊去都係返美國，今次都唔例外。但係呢次多左隻妹妮，佢第一次去美國呀，所以零捨興奮

但係平時妹妮8:30就上床，呢晚捱到成11點幾先可以上機，妹妮其實都已經好眼瞓了。

見佢個呆樣就知，就算去食麥當當都無晒謂口食，淨係想覺豬

上機後已經即時瞓著，連飛機餐都無食呀，一覺瞓左成6,7個鐘！都算好了，因為已經瞓左一半機程

睇佢瞓得幾舒服！以前細粒d仲可以成個人打橫瞓架，不過下次只會再高d，應該瞓得更辛苦了

覺足6個鐘有多，瞓醒睇左兩套電影同一套北極熊紀錄片，佢都猛問幾時落機呀，坐到頂唔順了

到岸喇！！！見到LA夜晚景色了，YEAH！

落機已經係晚上8:30了，久違了的LA機場，好似裝修過，新左好多呀

美國歡迎你！每次返到美國其實都有種莫名既興奮，其實我自己都幾鐘意住係呢邊架。而家每次都希望好快可以再返來玩，但上次一別已幾7年了！！

妹妮瞓醒左精神晒，我覺得今次夜機都幾好，因為上機時已經眼瞓可以kill到time, 來到又係夜晚，就算係機瞓唔到都可以再瞓，唔駛嘥左一個日間。

第一次以'美國人'身份過關！出到機場已經9:45了。好了，去攞車！今次訂左Dollars，但係等shuttle時見到其他牌子都已經有幾架shuttle經過都未見有Dollars既出現，開始擔心係咪已經夜無人做野呢？好彩等左十幾分鐘終於到了！！

原來咁夜仲有好多人黎租車架！！一d 都唔駛擔心，我地架shuttle已經有幾個family，黎到仲要排隊辦手續

因為我地一行多人又多喼，梗係租架7人van啦！好彩咋，本來一早想book架suv, 真係唔夠擺架。我地去mini van果行揀左架車就揸走了！

要摺低最後半排至load晒行李上車呀 

妹妮仍難掩興奮！

我地load晒行李後突然多左咁多車返黎既？！無理由再搬過，是旦啦，我地架車都係得兩萬九公里，算新架喇！

好耐無見過既美國freeway 

係我地租間屋附近見到有jack in the box 同老麥，决定食個宵夜先。而家咁咪咪摸摸都搞到成11點幾了！

美國第一餐

妹妮又開始攰，啱晒嘞，一陣入屋可以瞓了

因為夜媽媽，好難先摸到個門口，一入到黎妹妮已經好興奮，急不及待咁走均全屋，check 晒邊度有房，廚房，廁所。佢超鐘意呢間屋，猛讚間屋好靚好舒服呀咁！

仲有聖誕樹，個屋主真係有心思呀！

兩間房都好靚好舒服！

 settle down左我地坐左一陣抖下，屋內有生果，妹妮居然係呢個時候仲食得落隻蕉！！

一覺瞓到天光，平時妹妮7點一定醒，但經過一程飛機後, 生理時鐘都亂晒籠，要叫起身至醒呀！

不過睇黎瞓得好好噃，摷醒佢都無扭計，仲笑容滿臉！

係屋企入面有cereal, bagel, 麵包等，又有牛奶，橙汁，茶或咖啡，食左小小野就出去了。呢早去左搵EE 既朋友，因為幫我地買左電話卡。EE呢日同佢朋友去玩，我地呢日無特別plan節目，第一日都係hea下算。於是行下k mart, walmart。

11點我地去左hometown buffet，其實佢d野唔係特別好食或者特別多選擇，但係係我地家人既一個情意結，事關以前我地成日都去食架。呢日黎食晏，而且妹妮好鐘意食buffet，啱晒！妹妮手執隻公仔叫bratz, 唔知點解妹妮好鐘意隻公仔，仲改佢個名叫Falin 

價錢同7年前一樣！！不過而家飲品另計，變相加左$2 

正式第一餐，有無限飲品又有雪糕，梗鐘意食啦！

反而佢自己好鐘意去攞生果食，真係比媽me d 飲食習慣健康好多！

雪糕都係最吸引細路既甜品！

去埋walmart買餸，呢度d超市真係超大, 連手推車都大架過人，啱晒比妹妮坐上去！

舅父揸揸下車，發現呢個咪就係back to the future I 阿Doc被追殺果個停車場？佢即時google，真係架，呢個係Rowland Heights Azusa Ave 一個商場對開既停車場黎架！佢係忠實back to the future fan，一定要影相啦。妹妮都有睇過back to the future, 我話佢知，佢都記得邊幕呀！

其實行左一陣超市，返到屋企已經3點幾，大家一齊眠一眠，一覺起身都成6點了！！

 

公公負責煮晚餐，可惜無飯煲，所以只係煮左麵，但係配牛扒，西蘭花，妹妮話好食喎！

襯公公煮飯，我地著左棵聖誕樹燈，好靚呀！！妹妮睇下書

搞下舅父

食飽飯無野做就影下相囉 

公公雙眼唔好，所以揸機都歪歪地

 LA第一日就係hea下咁好休閒地渡過了