聖誕遊LA Day 2 Griffith Park，Glendale

12月21日 day 2 

尋晚妹妮賴friend咁要EE陪佢瞓 zzzZZZ

一早起身，我地又係屋企食早餐，因為食小小野就去飲茶。公公今次黎都想約d朋友見下面，點知尋晚想約個老友飲茶時，對方太太聽電話佢病重了，就黎唔得喇。。。公公聽完個電話心情都低落晒，其實都好理解既，平時個朋友好健康，每次黎都車公公去飲茶，又去下街。。。點知而家朋友病重，又真係幾傷心既。於是約左另一個鄉里飲茶，出門前妹妮都叫做交下功課練下小提琴

公公的鄉里，其實我地陪公公去飲茶都唔覺悶，因為妹妮本身都好鐘意飲茶食點心

LA呢邊d茶樓同香港差唔多，而且芒果布甸都有把遮，比香港既茶樓更傳神。妹妮對把遮愛不惜手，成日攞住唔放。 

飲完茶，鄉里同公公去左探病重既朋友，我地幾個去左target行街

呢度d 車大大架，妹妮又可以偷懶坐車

我地行行下見到壞版Falin (其實呢隻野叫Bratz)，妹妮即刻同佢地影相，話要比爸b睇下喎。好彩佢又無話鐘意！雖然5顏6色，睇真d其實個𤕸都幾靚架。

逛逛下見到有架特大手推車，正呀！！即時轉車呀。可以坐兩個細路潻呀。雖然無咩特別想買既野，但係係美國行呢d大超市真係可以隨便都行到個幾鐘架！

接返公公後，我地約埋EE d 朋友一齊去Griffith Park玩

妹妮既新朋友仔Audrey呀，妹妮大佢3個月，年紀啱，不過Audrey比較慢熱，要小小時間warm up

於是我地去坐下小火車經過一陣，warm up好快熟落了

呢日一行有成十人有多呀，好熱閙

小火車圍住個park行一個圈，沿途經過既景色都靚架！

跟住幾個細路排Pony ride，我地揀左medium... 其實係講緊快，同慢。

好快有得上馬了，妹妮都已經騎過N次馬了，所以一d都唔驚

不過medium原來都幾快，第一個圈係半跑咁，第二個圈先係渡步。於是玩多一次slow，就可以慢慢行兩個沙圈嘞

7 年前我地又係一行4人，上次好次係睇舅父畢業禮？去左三蕃市既。。。好似無返黎LA，真係太耐之前了

EE同朋友們

騎完pony之後我地去左附近既火車博物館

妹妮同Audrey 同妹妹已經開始老友了

呢度好有秋天氣息，樹葉都黃了 

呢度有好多古舊既火車擺出黎展覽架

細路就最鐘意行路軌，當平衡木一樣

呢個景另我想起Chuggington 火車呀，十足十d 火車埋晒站時既情景一樣

我地又影下相先

呢度都有小火車坐，於是我地又坐一次

雖然求先係Griffith Park坐左，但係呢度有唔同風景，大家都唔介意坐多次！

呢度真係有好多種火車睇，記得好多好多年前係Sacramento都參觀過火車博物館架，不過印象中果度好似無呢度咁大地方

小火車兜晒成個park，仲兜左兩個圈，真係抵坐呀！！！

妹妮大過Audrey 3 個月，但係好似大成個碼咁

已經會一齊玩一齊行了，細路仔真係好快熟架

跟住我地走埋上車頭參觀

爬上去其實都幾高架，個𥦬口又深，好驚佢地跌左落街呀

約埋朋友就有人幫我地影大合照了

大約4點幾，我地去左Glendale 間Porto's Bakery諗住食下tea, 一入到去已經有好多人排隊買野食。見到d 聖誕蛋糕好靚呀！

我地食左d薯波同牛角蘇

飲埋果汁，熱朱古力。唔食咁多因為好快又食飯了

再去埋Glendale商場，以前我都會自己一個人去Glendale Mall 行下街架，因為呢個Mall有好多靚野賣，又大又好行。而家開左outdoor商場，仲佈置得好靚呀！！好有聖誕氣紛，因為我地黎到啱啱6點鐘，個噴水池有表演呀

嘩，d水噴到好高呀!

呢度好靚呀，我地猛影相！！

行下大街兩旁都係商店，不過我地就無點行，因為玩左半日公公同妹妮都攰了。如果要兜晒成個圈，又入去行下，相信都要個幾鐘至行得晒

於是趁佢地入左鋪頭買野，我地又係出面影下相

跟住見到呢檔買d頭箍同髮夾，整得好靚呀！！

於是買左兩個頭箍比妹妮，成日都係自己都未買到野妹妮已經有收穫

即時戴埋，仲見到薑餅人潻！

之後去Souplantation食飯，呢度d沙律真係幾好食，但除左沙律同湯，其他主菜選擇就比較小了，只有幾款意粉。

因為太攰，所以一入到餐廳就搵左張手推櫈安置佢先。睇佢已經超大碼了，真係好勉強坐得落咋！

湯既種類算多，有大路既chicken noodles, clam chowder，又有d 中式d既ginger chicken, 又有墨西哥，韓國口味既，也有好多西湯，不過我地都係飲大路果幾款，勝在任飲唔嬲！

沙侓有自己mix又有一早mix好既，其中有一種我覺得好好味，甜甜地。。。好似叫Wonton happiness，好好味，我encore左幾次！另外佢地d西蘭花，雖然係生既，但係mix左唔知咩醬，又係甜甜地但係無生味，好正架！！

好彩另外都有pizza，麵包。妹妮就食左好多芝士通粉了

間中食下咁多沙律，都哪做健康左，平時真係好小好似今晚食咁多疏菜架