年初一。恭喜發財！

年初一，恭喜發財！祝大家馬年行好運，身體健康，小朋友學業進步！

LA d 遊記都未寫完就已經農曆新年了！新年咁大件事點都比佢打下占，今年因為新年同聖誕節只有一個月咁近，我地放完假返黎無耐就新年，所以好似無咩時間好好準備咁呀。除左唱錢係一早叫同事幫手之外，其他都係臨尾幾日先準備咋！好彩我地又唔係好傳統要搞好多野，都係買下花，糖果，妹妮一係美國返黎就已經叫定yaya開始"Big Cleaning"。

今年都有買華服比妹妮著呀，因為學校有華服party，而家小學好小咁興緻有costume party架，所以知道可以著華服參加即刻去買番套比妹妮！妹妮自己都好鐘意件衫呀，佢猛話好靚潻，但係就唔肯比我紥春麗頭，話孖辮靚d喎，但係無啦啦呢日因為個個讚得意，又肯紥番兩個髻仔。

睇番以前，原來妹妮自3歲起就梳孖髻過年架，真係好得意呀！但係媽me覺得最cute都係mushroom head 果陣時

今年買左波波菊，其實舊年妹妮行花市時已經話要波波菊架！但係當時我覺得呢d七彩花好騎呢所以無買，後來見到朋友插起原來都好靚架，今年就聽妹妮話買下啦。因為本身d 花已經好七彩，再加碎花會好亂，所以加d線條實d既應該會好d，於是買左紅豆同銀柳，插出來效果又真係幾好噃

呢個全盒用利是封做架！不過唔係我做既，係親戚送既。因為個盒好深，要裝滿先靚，呢度倒左成7,8包糖入去了！

今年新年前太忙，日日返工，都無時間去買新衫，新鞋，新奀de。好彩妹妮有'儲備'，都搵到件新衫著下，仲有之前係LA買左對boots專登留返新年著。 

出發！第一站去左嫲嫲度，食完晏我地返左屋企nap左成3個鐘！！真係好難得可以瞓到咁耐呀，呢個新年真係養足精神呀！

瞓醒後去左公公度晚飯，但係呢日原來都無點影過相 ，淨係係公公屋企樓下食完飯影左幾張咋！