年廿九，妹妮開始放假了，但係呢日爸Bbr媽me都要返工，於是安排左重要任務比妹妮做。。。就係洗車，洗大肥嘞！好彩妹妮又好乖好聽話唔會偷懶唔肯幫手架。
雖然有yaya幫手，但係妹妮好似都好落力噃！yaya話佢幫手刷埋d呔呤潻呀
洗完車再接再厲幫大肥沖涼！其實大肥都唔怕沖涼架，佢仲幾enjoy架，唔會走開，任你淋水架。
睇佢幾乖！新一年希望大肥健健康康，無病無痛啦！大肥成十幾歲了，係老人家，但係仍然好嗲，成日想人摸佢，真係成隻活公仔一樣架
辛苦一輪終於輪到自己沖番個涼舒服一下了
前日仲幫yaya 手洗菜潻，呢幾日做左咁多家務，妹妮賺到d零用錢架，但係佢好乖全部會塞入個錢罌仔儲埋佢
年卅十終於有機會去整手甲，係幫媽me整手甲個姐姐邀請妹妮去架！本來想同媽me一樣畫豹紋，但係妹妮突然口味大變話要淨色喎
唔該晒jojo姐姐幫妹妮油手仔呀
妹妮好細個已經幫襯Gigi姐姐架喇，有相為証，呢幅係2013年
呢幅係2011年尾，當時隻手仔幾細隻！
本來提議唔畫豹紋，畫斑馬？貼貼紙？ 妹妮一律say no，於是整左淨色算了
年卅晚，呢日我地幾個同yaya係屋企食飯，整左大蝦，帶子，煲左雞湯算了
今年第一年同妹妮夜行花市呀！平時妹妮8:30上床，過往都係等佢上床覺豬算了。而家大個女，加上假期，晏小小瞓都ok啦，於是趁其他人個個仲食緊團年飯時，我地去左花墟行花市呀！上星期已經同朋友仔黎過，但係行夜市就未試過。
我地早食飯，呢個時候花市一d都唔迫人，行得好舒服呀！
後面有好多花呀，我地行晒濕貨先。妹妮上次買左隻狗狗氣球，今次猛話要去睇乾貨
上次見到呢d檔攤我地都走開d，點知爸B居然叫妹妮去玩下。$20有5個網，撈金魚
仲諗住呢d紙網係搵笨，點知又比佢地撈到成7,8條金魚！！
點知原來每人最多只可拎走兩條，我地揀左最大果條，同另一條唔同色既。妹妮已經改埋名，叫哥哥同妹妹 -_-"
行到8點幾已經開始多人流了，我地都行得七七，八八，去食格仔餅先。
屋企無魚缸，唯有要哥哥妹妹暫住花樽啦
返到屋企成9點了，妹妮幫手入封埋利是先上床呀，乖女！
No comments:
Post a Comment