年初二 做運動

初二一早就被爸B的左我地去九龍仔公園晨運！妹妮開頭都好樂意玩下器械健下身架

但warm up左一陣就被爸B叫佢去跑圈

開頭媽me都有同妹妮一齊跑，但大懶豬跑一陣就停低行唔肯再跑了

於是爸B命令佢自己一個人跑，我地幫佢計時！見佢跑到氣呵氣喘，終於支持到埋站呀！用左4分45秒圍住跑步徑外圍跑左個圈，算係咁啦！

跑到返黎時個鼻哥窿都要牚大黎吸多幾啖氣呀！

爸B再的妹妮陪跑，足足跑左3個大圈呀！好犀利呀，媽me自問都跑唔郁！

睇到佢都覺得好辛苦呀！不過妹妮學校第一次評估（即考試）學術，視藝同音樂都攞A，係體育攞C，妹妮話佢跑圈唔夠多同跑得慢所以攞C。。。但係佢大隻過人，照理應該唔會太差架，跑一步都大步過人啦！所以爸B話訓練一下妹妮，加上做運動強身健體喎

玩多一陣我地去食早餐，都唔記得呢日係初二，九龍城好多鋪都無開，我地去茶餐廳食早餐都要加＄5 

呢日都係重覆初一既行程，去左公公度食開年飯

尋日EE無黎，呢日先見到EE逗利是

正一大笑姑婆，笑到見牙唔見眼

EE打Tango 比LA既朋友仔Audrey, 妹妮同Audrey成日都話好排住大家，但係一Tango又好似無咩講咁，淨係識望住個畫面，我地要係旁邊教佢地問人地食左飯未呀？先識去問下

初二開年飯印象中好似係食斎，無咩野食，今年公公話拜左神，已經有d雞，有鮑魚，有魚

食完飯又係樓下商場影下相

叫路人幫手影相，都算影得唔錯了

跟住EE同我地一齊返屋企黎探下大肥，大肥沖左涼好乾淨架

呢兩條年卅晚撈返黎既'哥哥'同'妹妹'

晚上又出動去嫲嫲處晚飯，趁未人齊又未開飯去左樓下同表妹玩左一陣捉依人

初二開年飯