三藩市精華遊

3月5日，揸左6個鐘車終於到三藩市了，好耐無黎過了，去到呢d以前常黎既地方感覺就好似返鄉下一樣。一路上橋奇怪點解隔離又有一道橋既？但隔離果道舊d，原來係拆緊舊橋呀

咦，呢架Fiat 500咁巨型既，成架countryman一樣呀！ 原來呢架叫500L，Fiat都出左大版車，好似MINI架Countryman咁，但係呢款香港無得賣架。

見到三藩市了

入到城已經差不多7點了，其實GPS路情只係429公里，應該5個鐘就到，最後雖然已經開到90mph, 我地都用左6個多鐘先到達。首先去左公公朋友屋企o集合，再出去晚飯 。本來媽me都有朋友係SF，但係咁蹺佢呢個星期去左歐洲，就係我返香港果日先返黎，真係緣慳一面。

我地去左sunset附近食唐餐，一圍6位和菜先US＄48，有成6碟餸，呢度食野平過LA好多呀！

今次因為同公公同埋佢個朋友3人一齊住，我地又搵左出租屋，3 個人要兩間酒店房，租apartment抵住d，當然就無酒店咁好服務日日有人執房啦，但係都好乾淨同舒服架。講番租apartment經驗，呢次先係第三次，對上兩次就係聖誕住LA果兩間，而最驚喜就係第一間屋！除左成間屋都好靚之外，屋主仲買定晒好多食物比我地做早餐，又有burger，bagle，cereal，生果，咖啡，牛奶，茶，真係要咩有咩，只要叮番熱或放入焗爐就食得，真係無得彈。之後呢兩間都係租屋，屋內有晒基本既設備/用具，但食物就無提供了，相比之下第一間真係天堂一樣呀！

不過今次呢間屋都好乾淨舒服，同相一樣，可惜無電視機囉

第二朝我地又返去uncle個堂家姐（下稱阿姑）屋企接佢食早餐。

老朋友聚舊零捨開心

我地居然去左食燒味當早餐，不過間餐廳既燒味係每朝新鮮出爐，的確幾好食，但我竟然唔記得影相！！！以前都有另一個uncle住係三藩市，就係阿姑個親細佬，我地黎親SF都住佢係5th Ave 既大屋，但係幾年前已經過身了。所以之前黎SF，我地多數係Richmond 區近Clement Street果頭蒲，呢次就近Judah Street。

其實如果住係三藩市入面，好似阿姑咁，真係唔駛揸車。walking distant已經有晒餐廳，鋪頭可以買餸，老人家住啱晒

食完早餐無咩做，當然想去逛逛啦，但係大家都黎過好幾次，旅遊勝地都可免了。我地去左union square行街

公公同uncle Thomas 就去左China town逛，約好兩個半鐘後集合。

我就趁機四圍行去shopping

Market street 見到cable car，但係唔會搭了，一場黎到都影張相留下念啦

行左一陣就已經兩個半鐘，其實都無買過d咩呀！

呢日下晏無野做，我地去左睇樓！真係幾搞鬼，雖然搞搞震無幫趁，但係去睇下樓都係唔錯，知道下而家既市係點。呢日睇左5間，其實本來只係想同個agent見下面無諗過去真係去睇，點知佢安排好晒就跟住去啦。第一間係比較好的

雖然入面較舊式，但係間隔四正而且保全得幾新淨，係傳統窄又長既屋，但係入面又好大好見駛

門同燈都係舊得黎又幾有美感既

跟住經過Cliff House落返Sunset，我記得當年未夠十八歲夜晚唔入得Cliff House架, 因為入去飲野都係有酒精嘛。

呢度遠望出去就係望到香港既太平洋喇

另外比較印象深刻就係呢間有裝修既屋，agent話中國人多數都鐘意買呢d裝修好既屋，因為即時可以租比人住唔駛搞裝修。而呢種裝修大概十萬蚊就搞得掂，雖然睇落好間單，但係又好舒服，我都想間屋整成咁！

呢間有個後園都算好青綠

塊地都唔細呀！不過而家係三藩市入面d屋都要近90萬美金一間，如果出左三藩市近San Jose更加成百幾萬至有，呢個價錢係LA可以買到好大間屋了！

呢，呢間就係我地租果間屋，但係我地淨係住地下果層。呢區又唔同另一邊一間黐任一間果d Victorian style，呢d比較似平時美國既屋，起碼兩則唔係黐住隔離，似獨立屋一d

第四日係美國了，聽日我就走了，呢日節目夠晒特別！！！首先一早同阿姑d姐妹去食早餐，跟住我地去左。。。拜山呀！就係公公同uncle都想去拜下過左身果位uncle，跟住順便拜埋佢地幾位直屬家人。。。真係無估到咁遠黎到去拜山呀。不過呢次見到美國華人墳場既環境都唔錯呀

因為去墳場好似無理由影相，所以就無影到相呀。好彩之後大家都話去行下街，我地去左 Palo Alto既Standford Mall。見到Pottery Barn Kids d 野好靚呀，不過又貴又無折所以無買到野呀

本來成班老人家都唔係好恨行街，好彩阿姑個仔提議黎呢度行下

其實我想去outlet多d，但係拜山果度去返outlet唔順路要行好遠，反而近呢頭，有得行下都殺啦！

耆英團！

本來話返出SF食晏，點知無啦啦走左去食左麥當勞lunch

離開個mall 我自己去左downtown博殺多一轉，聽日走了，今日last chance！去左disney store，但係Frozen野又係被搶購一空！行左兩個鐘就返去食晚飯

我地又去食和菜，呢度好多中餐都有和菜餐單。。。其實即係6人餐，8人餐咁，但係又好抵食！最鐘意係香港無既合桃蝦仁。

第5日，呢日中午機返香港了。今次只係短短留左5日（4個full day) 真係來去忽忽，好想留耐d呀，可惜無咁多假啦。。。又想留番d假年尾好似舊年咁去個long trip。如果每年有廿日假就好了！:P

呢早去左d懷舊餐館食點心，手指指鐘意食咩就指咩

公公留多5日玩，我就返香港先，see you SF！希望好快會再見