3月份係考試月，妹妮同爸b都閉關努力左幾個星期架！
廿幾號，考完試興鬆晒，開心到成個人跳起！！其實妹妮已經對自己有要求，好似逢星期六晚同我地瞓都會'傾心事'，佢都話考試好緊張。我問係緊張分數定緊張識唔識答呀？佢話怕自己好低分，原來P.1已經開始有壓力了。好彩有爸B既領導，妹妮派出好成績，可喜可賀呀，無白費心機。
派成績果日妹妮仲被點左做班長，個傻妹好開心呀，我諗個個細路都會好開心被點做班長呱。妹妮話都師話佢有進步所以比佢做班長喎，不過唔係講成績進步，只係話上堂乖左喎。妹妮話自己今次考到全級第二（未經証實架），但佢話自己班只佔左第一同第二，第三係另一班同學。又話係小息集隊時宣佈，又講得出每級邊班咩名攞第幾名。。。聽佢講得咁傳神又好似好真。但係唔理了，上學期佢都話老師話佢全級第三，但係我地家長日都無求証，係又好唔係又好，有好成績已足夠了。
某個星期六，爸B同妹妮經過旺角見到有人宣傳套西片，走左埋去影相。。。我就唔識佢地，不過斷估都唔會係明星呱，無理由任影唔嬲架？
原來影完相share 上FB有戲飛換架，但佢地都錯過了
貪靚妹見同學仔都留長d蔭，自己都唔肯剪番齊蔭頭，但係媽me覺得細路仔都係齊蔭cute d。
而家好有要求，成日要yaya點'braid braid braid' d 頭髮，好難頂架！
呢盒lego去美國時買架，香港好似未見過，而且啱晒妹妮，同佢砌開既my friends一樣！見考完試就拆黎玩啦！
其實見到d圖，我自己覺得幾特別噃，就買定！未睇Frozen之前，妹妮好鐘意長髮公主架！因為佢成日忙長髮，而家轉左呔了
一拆盒就好難停手，分左兩日已經砌好。而家可以自己一個人睇menu唔駛幫手了
座城堡砌起又的確幾靚噃！
聖誕前參加左個數學比賽，妹妮好彩攞到merit! 呢日有頒獎典禮，本來爸B想去玩下，但係老師好想妹妮出席，可以影下相，於是我地去左
個比賽其實有50題，一半計數一半critical thinking，妹妮錯左3題，但都有90分以上。。。其他小朋友攞distinction 可能只錯一，兩題吧。
近呢兩個星期，妹妮連續甩左兩隻門牙呀！！妹妮真係好好彩，每次甩牙都係鬆到食野食甩，一d都唔痛！前一星期終於食食下蕉甩走一隻，上星期甩埋另一隻！不過呢隻就係係學校被同學撞到鬆甩左，妹妮話有流血呀，但係唔痛，真係一個幸運兒！記得細個時有幾次係太婆用線綁住隻牙然後'砰'埋隻門而扯甩架。奇怪係中秋時甩既下面兩隻到而家都成半年都無咩影踪
No comments:
Post a Comment