♡Little Aerin & Eunice♡ : LA一日遊

3月3日，因為要陪公公去美國搞証件，我地又去一轉美國了。其實以前公公都成日一個人飛去美國，但自從上次聖誕去完後，開始唔放心佢一個人去。首先又唔識講，加上近年視力又弱左，連行李係邊條輸送帶出都唔知，都唔知點解以前咁放心佢自己一個人去呢？而且今次去續証件，麻煩朋友接送仲要住埋好似唔係幾好，於是搵個籍口陪公公一齊去。可惜我一年得12日大假，又要留返d假陪妹妮去旅行，今之只係短短去左5日咋！公公就stay behind，因為有朋友從多倫多飛過黎陪佢玩，於是我地計劃一搞完証件就上三藩市。執行李時大肥仲健在，一見到行李箱就二話不說跳左入去！

呢次我地又搭夜機，貪佢一上機就可以瞓，落到機就係夜晚，就算唔夠瞓都可以再瞓過，搞掂時差無jetlag。

話快唔快就過左十二個鐘到達LA了，其實我真係好鐘意返美國架，一返到去好開心，可能係黎'旅遊'唔駛做既關係啦。

呢次過關，攞行李快過上次好多，上次差不多成十一點先去攞車，呢次去到攞車只係9:30! 本來book左架Altima，但係見到full size cars呢行有架Camry, 望下d設備又好似豪華d，於是揀左架Camry了。

今次得我同公公兩個，於是租左comfort inn，都算幾舒服吖，而且好就腳！其實印象中美國d hotel好小好核突，三星都住得人既。check埋in 先10:30, 上次聖誕我地去到出租屋附近已經成12:00am了！

見仲早本來去超市買d日用品，好彩酒店附近有間24小時超市可以shop下

出到黎順便食下宵夜

我地房望出黎

仲包埋間單早餐，雖然唔算多選擇，但都算不過不失啦

最好玩係有得自製waffle，有晒粉漿，30秒搞掂

其實成個trip最重要係去事務處取信，第朝再去印手指摸。呢日去左攞續証信後我地成日都free，於是上晝去左屋企附近個outlet，都係貪佢近近地去逛下消磨時間。

印象中十幾年前好似黎過呢個outlet，當時無咩野賣，但係而家已經多左好多牌子，而且擴大左好多了

妹妮一早已叮囑我去賣Frozen既公主裙-_- 呢個outlet難得有Disney store當然要去睇下！

公主裙就大把，但係Frozen既所有野都被搶購一空！仲記得上次聖誕未去睇Frozen時，都見過有Frozen入面個Anna套衫賣，但係見個價錢牌成US＄199，真係買唔落手！今次係想買都無得買！個店員話日日都有大把人問Frozen既產品－＿＿－"

可能上次買得太多了，今次見到好多野都忍手無買到，反而公公有收獲買左小小野

係時候食晏，呢排Panda Express 上癮，因為佢平平地又可以食到合桃蝦仁！而公公最近好鐘意飲呢度d波霸奶茶，仲要Thai tea底！

跟住約左妹妮朋友Audrey同媽me，帶我地去Costco買野。

我地不約而同揀左套公主睡衣

妹妮仲寫左封信比Audrey架，不過唔記得影低潻

呢日係Audrey媽me Lydia生日，仲打搞左佢帶我地去貨倉，但係我地只逗留一日就走了。

同Lydia分手後我地得閒就去左Beverly Hills行左一陣，唔知幾時挬左個相機既iso，搞到d相勁粗粒，嘥晒！

好彩有d用手機影，都未至於無晒d相

Beverly Hills 地標

隨街泊左架Bugatti，連鬼佬都圍住佢影相呀！

遊左一陣我地返去Monterey Park食晚飯，上次已經見到個新既唐人mall (不過可能已經新左幾年了），於是去試下啦。LA平均晚餐都要成＄12-13蚊一碟，好似比以前貴左d。

不過呢度d中菜又幾好味既

我地第朝一早8:30 去到移民局打手指摸，只係用左半個鐘就走得，於是我地去左Walmart行左轉。呢幅相影比妹妮睇，佢最鐘意去Walmart，Target 睇公仔。今次知道媽me去美國佢好想跟埋黎架，如果仲讀緊幼稚園都仲可以帶埋佢黎，但係而家小一，一來學校唔比請假去玩，二來三月中第二次考試了，唯有留係香港啦。