Easter in Europe Amsterdam Day 11 風車村，凡高博物館，皇宮

good morning Amsterdam! 一早出來見到呢個景真係幾怡神！呢日睇天氣報告居然得6度！！係真唔係呀？尋日仲成廿度架

呢度d樓除左又窄又長，仲係斜既，好似就塔咁

呢日我地去風車鎮Zaanse Schans，原來離開Amsterdam廿分鐘車程，好近咋

妹妮個樣係咪未瞓醒呢？

唔駛半個鐘就到了！！精神晒

一出車站基本上所有人都和同一方向出發，好快就見到風車村了！呢度有成17座最傳統既風車！好似真係荷蘭先有呢d建築

相信都係因為呢度夠大風，先會將風車建設係呢度，因為呢度真係 超大風呀！好彩我地著左羽絨咋！本來以為尋日咁暖呢日唔駛著咁多衫，好彩睇左天氣報告

去到風車村了，入口都種滿花

呢度好休閒，好有渡假村感覺

行入村就有一間間屋仔賣精品，紀念品。呢間第一間鋪賣d野好得意，好多Miffy，同埋好cute既杯碗碟

行行下越來越近風車了！但係我地都無諗過要行入去風車入面睇下，而家至醒起

入去另一間屋仔都係賣杯碗碟，但係多左waffle！呢日好凍，有個新鮮出爐Waffle食真係零舍好味呀！

其實行行下突然落雨，我地見好似幾大雨仲買左兩把遮，點知買遮後15分鐘就停雨，激死！！！

好天我地又出來行過

剛剛係第一間屋仔買左既鬱金香遮呢度居然平幾蚊！！！！

相信呢度係風車村既中心了

跟住就去木屐博物館，去到門口已經有木屐擺晒係度

木屐博物館比較有heart，唔係淨係賣野，都有展覽，介紹下木屐來由

點解荷蘭人要著木屐？原來因為呢度好多低漥地區好易濕腳，而木屐可以防止濕腳，而且好耐用。荷蘭人可能覺得著木屐係好舒服

平時見'子母奶'既荷蘭女郎著木屐，原來男人都著架！

呢度仲有個小工場有即場示範做木屐！

妹妮就拿住對樣板玩，原來濕濕地架！

開show喇！！坐定定睇表演

原來而家既木屐已經唔會手造了，而改用機做。不消5分鐘就做好一隻！先跟據預設尺寸做外型，然後鑽入面。但係 要掠乾都要4星期，再上色才成為一對荷蘭木屐

木屐要著厚襪來穿，呢位工匠就話好舒服日日著既

睇完表演當然可以買對心水木屐回家，有好多唔同顏色同花紋架！

妹妮小童碼大約三十幾歐羅一對。但係返香港可能好小機會著所以都無買

我地都試下，但係覺得硬硬地，唔知行得遠會唔會痛呢？

離開出口有更多木屐比遊客影相

芝士廠就係木屐館隔離，呢度都叫museum，不過主要係試食同買野，我地試完都買左幾款返屋企，又真係幾好食！

從芝士廠行出黎呢個景好似去左農場咁呀！

後面有好多風車，又不停影影影

呢幾張幫妹妮影既好好笑，本來叫佢跳起，點知條巾遮晒塊面！！哈哈哈

拎走頸巾再影過

唔講你唔知，d風真係好大好大！！吹到頭都暈呀

我地無逐座風車探訪，影過相就算了

離開小鎮，行返出車站返Amsterdam了

原來呢條橋可以打開比船行架！不過每次見佢打開，船行過再關埋都起碼幾分鐘，如果係香港，性急既香港人一家砵砵響不停

行出車站前見到間好靚既cake shop，於是入去呌下，d蛋糕都幾靚幾精緻下

、

我要左件鹹既薯仔沙律，妹妮揀左中間既cream cake，爸B要左士多啤梨撻，味道都唔錯呀！

求先一路都係行無坐過，而家 順便嘆下茶

好快又返到Amsterdam，係風車村已經好天番晒，點知出到城d雨就黎到！好彩有遮，呢日又凍又濕，我地決定返屋企休息下再出動

尋日已經經過呢間魚店，初頭以為淨係賣生既魚要返屋企煮，原來熟既都有！

即炸青口

同埋cod fish，新鮮炸起好香口，而且青口好嫩好好味！唔怪得咁多人買啦

小休一陣，其實都nap左半個鐘有多！抖足精神再出動！

Anne Frank House 係Amsterdam好出名既地標，見証左二次世界大戰，當年Anne同家人藏左係呢間屋2年都無人發現。現址而家係博物館可以睇到當年Anne同家人既居住環境。本來想上網買票但一早已賣完，去到現場都有人龍排隊！而家呢度已經改建到好modern，但係入面仲保留左好多大戰時既歷史

因為買左holland pass有卷要用，於是我地打算去影下傳統荷蘭服既相

嗱，又見有cheese museum 喇！都係賣芝士既

呢度週圍都有好多商店叫自己做museum，連花店都叫自己flower museum

去到影相既studio點知佢地有event搞緊，但係知道我地明天就走都好好人叫我地行一陣街兩個鐘內返去。我地今次唔行了，搭呢度d電車。原來每次一係比€7買24hr pass，一係就€2.9一個鐘pass，但係我地明天已走所以無買24hr pass，就係搭一個鐘算了！

呢度好得意，上車個司機會賣票比你仲有得找贖，唔趕時間真係唔同！

我地趕去凡高博物館呀 

去到了！！當時未夠6點。。。但原來呢日星期六早收關5:30 -____- 好失望無得睇！！

其他博物館呢日都好早收呀，連對面間Rijksmuseum國家博物館都關了，阿母斯特丹就係歐洲其中一個最多博物館既城市！

於是我地去左附近地標IAMSTERDAM影相，呢度係museum區所以好集中，但係呢個I amsterdam就好難影到張無人既相

後面就係Rijksmuseum了

只可以從人群中走出來，週圍都滿處是人

去下公園玩啦，話時話呢個trip我地每個地方既公園都玩勻了

外國既公園都係繩網，韆鞦，但係妹妮可能仲細個都好enjoy走去玩，直情見到就叫住要埋去

不過呢個望落又好似幾好玩既

個傻妹爬到頂仲驚到想喊

返而倒轉又笑騎騎

呢個韆鞦都好好玩呀！！fing 到高時返落黎果下又係倒轉架

呢個時候已經7點了，但係個天仲好光呀！去旅行遇著日長真係正好多呀！好似玩極都唔完咁

我地把握hour pass搭車去最近studio既地方，呢度係Dam Square

見到waffle又幫襯下

仲食埋crepe 添

我地後面就係皇宮(Royal Palace Amsterdam)喇！平時都開放比公衆參觀

逛左一陣我地要8:30前返到Studio，呢度行過去10分鐘左右就到

沿途見到有班人一邊踏車一邊飲啤酒，好過癮呀！

雖然咁多人一齊踩，但係都係好慢呀

去到Studio，原來老闆已經等緊我地，好彩我地早到左，即時換上荷蘭古裝！妹妮扮 girl is pearl earring 幅畫入面個女餘

影出來幾靚吖 

因為去唔到凡高博物館，剩左既Holland pass比爸B一齊影

媽me扮牛奶妹

攝影師幫我地影完相去晒相時，任我地用自己相機再影多幾幅，我地影左d搞笑版

正經既全家幅就係呢張了！雖然唔係話好認真制作，但係作為遊客都覺得幾好玩！而店主英文好流利，又同我地傾左一陣偈。我地發覺荷蘭人英文真係好好，好似native一樣。反而去西班牙都會遇到唔識英文既人

呢晚係歐洲最後一晚，橫掂荷蘭無出名好食既野，我地決定encore前日個pizza，返屋企歎下！

既然間屋咁正，都無理由唔係度歎嘥左佢

encore 呢個white truffle with ham pizza 

再加多個肉腸pizza

食到lam lam 脷呀！