呢日得番我地3個，EE返左香港，Audrey一家又去左Florida。星期日去bubble fest 時經過見到El Monte有個嘉年華LA Spring Fair，全部係我讀書年代既機動遊戲！我地好想去玩，可惜d banner寫住果日係last day。於是我地上網check下有無類似嘉年華，點知個Spring Fair延長多一個星期！！！！如果一早知就趁尋日EE未走時去啦。不過個Spring Fair星期一至五要5pm才開，所以上午我地好得閒。爸B唔甘心係Ontario Mills outlet買唔夠，決定遠d都去Desert Hills Outlet! 咁Desert Hills又真係大好多
下面係上次13年我地買到幾多野既相，爸B梗係心思思啦！！
今次去到，大部份商品都只係平時7折價，唔係Outlet囉！平時等上網大減貨買都低過7折啦！！於是出奇地一d斬獲都無 ：( 唯一買到野又係妹妮，又係買左d衫比佢同埋呢日好凍，本來著短褲都即買即著呢條長褲。我同爸B一樣都無買到！呢日lunch都係outlet個food court求其食就算。。。好嘥呀
好在妹妮帶左本書，趁我地睇野佢就睇下書消磨時間
臨走前買左Writzel dogs，好味！！
4點鐘左右回程，準備5點去Spring Fair！去到Spring Fair 見到無咩人仲以為唔係開添，原來只不過少人來玩啫！入場費＄9.9任玩，真係超抵呀！！
上次經過時就係覺得呢d機動遊戲好懷舊好retro，EE話就係貪佢懷舊先好玩，其實睇真d係咪叫簡陋呢？第一個遊戲係打圈fing，開頭見慢慢兜圈應該無咩野，但係越來越快，都兜左成廿個圈，爸B同妹妮開初都有尖叫，玩玩下已經靜晒。。。原來佢地兩個覺得fing咁快好驚呀！但我已經笑到出唔到聲
落番黎，定晒神總算挑戰成功！
呢度仲有好多機動遊戲，妹妮就好開心，佢最鐘意係玩呢d！因為無咩人關係，每次玩既時間都好耐，平時兩個圈就停，呢度玩足7,8個圈至停，真係好抵玩，哈哈！:D
除左機動遊戲，呢度應該係靠攤位遊戲賺錢，所以每經過一個攤位都有人猛叫你去玩，但每次攤位成＄5! 都幾貴架
所以我地都係玩番機動遊戲算了
呢幅相左邊既洗衣機，我讀書時已玩過，印象中fing得好厲害當時好驚架！所以今次唯一無玩就係呢個
因為爸B被嚇怕關係，接下來都係我同妹妮玩，如果EE係度就好了！不過原來我都可以handle到呢d遊戲，大部位都係小兒科！
妹妮話要玩多次呢個，爸B當然唔敢再玩，媽me陪啦！
其實一d都唔驚喎，只係好似快版摩天輪不停fing兜圈，妹妮話：媽me，點解咁驚你仲可以不停講野既？其實我一d都唔驚吖嘛！
其實都有d唔驚既遊戲，好似呢間鏡屋迷宮，又真係好難搵到路上二樓架！
同埋呢條滑梯快得黎唔太驚
唔知係咪d工作人員整盅爸B，佢陪親妹妮坐果d都係專登開快d同fing多幾個圈，搞到佢想嘔咁滯
仲有點都要坐下既摩天輪，雖然唔算好高，但係都望晒全個park既景觀！我地玩左兩，三個鐘就去食飯了
呢晚我地去左食"老鄉親"台灣野，雖然無上次Lydia帶我地去果間咁好食，但係真係抵食夾大件！
No comments:
Post a Comment