呢日一早食完早餐，8:30左右就出發去San Diego既Legoland！車程約兩個鐘，其實都未到San Deigo既，不過好近果頭，於是呢晚我地都會係附近住。本來有諗過住埋Legoland酒店，但係覺得d房唔算好特別又貴，點知Lydia話原來我想book個價錢已經算抵了！我地book左附近town仔既holiday inn咋
泊好車，爸B見樂園隔離既主題酒店外型咁靚，就話做咩唔Book呢度呀？
我地都未去過Legoland，連馬來西亞果個都無去過，所以來到呢度真係有d興奮架！
即刻幫襯左支雪糕
樂園入面所有擺設都係Lego砌出來，勁呀！呢個Ninja ride要暑假至開，我地無緣玩了
都唔知有咩好玩，見遊船河無咩人排就坐左先，我地坐第一行，全無遮擋睇晒風景！
呢個船河好似去左世界之𥦬一樣，見到迷你地標。細細個睇電視時，都有見到介紹北歐有個legoland，當時心想有日去到就好了！終於咁多年後有機會來到了！！
見到砌船仔，即刻走去玩！呢度比你砌完再去放船，好玩呀
有手動遊戲玩，就係自己拉自己上去，一邊拉其實一邊轉，所以唔係直上直落架
之後去到Heart Lake City，見到MyFriends，當然要集郵啦
原來呢度都有過山車，啱晒妹妮呀！反而爸B好擔心會衝得好勁，點知上到去一d都唔驚，我地後來再encore添！
跟住呢個遊戲好似好刺激，仲有1-5個level揀，妹妮又驚level 5太勁，我地揀左4。其實效果好似比King Kong揸住果個女主角既感覺，唔係fing得好犀利，不過都幾好玩！
呢度既apple fries好似好出名，當然要試啦！真係好味呀，返屋企都可以試下！
另外我地favorite churro，呢度點朱古力醬，但係太粗反而無咁好味
再挑戰另一個過山車，呢度好在兩個過山車都只係中度刺激，啱晒一家大細！
玩到大約6點，我地都離開了！
本來想係樂園買d小有d既lego，但爸B話同香港價錢差唔多，費事拎了
揸車去到酒店附近晚餐，係Yelp（鬼佬Open rice) 介紹食泰北野
都係食d大路既咖喱同phai thai
但個冬音公就好鹹呀！
No comments:
Post a Comment