我地間酒店係Escondido，因為酒店係Legoland同Safari之間。一早係酒店食埋早餐就checkout了，因為呢日我地要去Safari
酒店係Escondido，十五分鐘就去到Safrai了。其實San Deigo都有幾多theme park，除左Safari，Legoland之外又有 Zoo，Sea world，夏天更有legoland water park！
入到黎都唔知邊度行起好，我地行左去Tiger Trail先
 |
 |
一路行其實比較似去左行山，一邊上斜一邊望遠景都幾舒服架。
沿途都會有禿鷹，有山羊
行完一個圈見到個公園仔就入去睇下，天氣開始晒同熱了，妹妮都要除面衫去玩
原來我地係最平門票（約＄50) 就只有得坐小火車遊safari，有d貴飛（約＄110)就可以好似朱羅紀咁坐四驅車，埋到d動物身邊！沿路行去小火車又見有得幫羊咩咩梳毛。妹妮好細個已經摸動物，當時我地奇怪點解佢唔會驚架呢？
小火車條隊好長，我地排左差不多一個鐘至上到車！同長隆野生動物園差不多，都係見到不同非洲，美洲等動物。 不過我地個車長好有熱誠，講埋自己7歲去過非洲真既safari之後對動物觀感既改變，成個旅程動聽好多！
玩完小火車都準備離開了，妹妮想畫面想左好耐，經過左好多次畫面檔㰙都話想畫，因為好貴（US＄19！）最後爸B都首肯比佢畫
原來我地未食晏架！！但已經成3點幾了，求其買個waffle食算喇。唔知San Diego Zoo會唔會多野睇好多，我地覺我呢度黎hea下行下山咁都唔錯，但係就唔算多野玩同多野睇，所以比預期早離開了。
離開Safari再揸大約35分鐘就到San Diego Old Town，上次來玩完sea world都有黎，果次夜d所以想食晚餐都無位。呢日我地5:30左右就到了
呢度特色就係佈置到好似以前西部牛仔片場景一樣
連d鋪頭都裝飾得好似返左一百年前西部咁
上次來就係想食後面間Fiesta de Reyes，但係無位無得食，今次我地6點鐘到即刻有位！
入面d櫈都好有特色
見到隔離枱叫d 鐵板餐咁既野我地又叫下，呢個鐵板蝦加飯其實有d中式！
另外再叫多個都唔記得係soft taco定叫咩名，我地其實麻麻地好墨西哥野，但係黎到點都要食番餐既
食完飯行多一陣就揸車返L.A.了
No comments:
Post a Comment