再戰迪士尼

妹妮今日一歲半生日呀！！yayaGigi幫妹妮set 個靚髪。見天氣尚好，便同爸Ｂ商量睇下用上午做完工作便下午加插同妹妮去迪士尼玩嘞。自生日時買了年票，今次都只係第三次去，不過都已有賺了。

泊好車都已經３點多，爸Ｂ因為同妹妮玩用錯力整傷大腿行得好慢，不過我心急想去睇遊行便急急腳一支箭推住妹妮Ｂ車向樂園出發。間中都有望後面睇下爸Ｂ是否跟得上，然後又再向前衝。點知遭爸Ｂ嬲爆投訢話‘一家人去玩都唔一齊行，明知個老公行得辛苦仲一支箭咁行咗去，一句都無問候下！！！’　都係怪我太心急啫，鍚返鍚返

諗住妹妮又大個了，對遊行應該興𡚒Ｄ，有反應，不過今日都係呆Ｂ，只係間中同表演者揮手。

遊行完無咁迫可以周圍走

上兩次都係去fantasyland玩木馬，小飛像，同去tomorrowland。今次去米奇大屋參觀，自從有次去海運妹妮失驚無神識叫mickey之後，我相信佢已經唔會再驚了。以前見到硬掘掘的石像，銅像都會驚，而家好似進步了

入到屋內當然任咪me擺布，擺上枱先！

擺上洗手盤

著米奇鞋

終於到同mickey影相喇，一歲時見到mickey驚到喊，今次比佢離遠say hi，點知行到埋去都唔驚，挑戰成功！！影完全家幅mickey仲鍚鍚妹妮面珠潻！

妹妮隻手仔全程拖實mickey架

之後去adventureland，因為以前都無黎玩過。今次諗住玩Ｄ新嘢。

其實啱玩的好似得個boat trip，妹妮自己行去排隊

同遊船河差唔多，妹妮幾enjoy!

個導遊好搞笑，講的都是爛gag！不過行程有Ｄ動物可以指比妹妮睇，影相都幾迫真吖

雖然妹妮大膽好多，不過去到火山位有火噴出仍然驚到想喊，可能係因為感覺到火山的熱力呀！

嘩好驚呀！！

快閃！

見到波波就興𡚒bubbles bubbles的叫

再去睇lion king show，不過就算幾嘈都好，妹妮居然都瞓足全場！

本來想去tomorrowland挑戰巴斯光年，因為佢上兩次一見巴斯都喊爆！可惜今日見唔到巴斯，check唔到妹妮大膽度。唯有玩個機動遊戲罷啦。

臨走硬係要入鋪頭睇下啦，呢個頭篐好得意呀，借黎影相後妹妮居然想攞返，好彩後來爸Ｂ靜靜鷄拎走。

玩完我們趁未放煙花便鬆人了，短短玩了４個鐘，不過都已經好似擔了一日泥般攰透了。

返到出黎仲去埋海運和花亭買外買！妹妮點都要幫手拎，頂佢唔順！