好返晒

今日妹妮病愈了，最明顯係胃口好好多。上星期連心愛的奶都推開拒飲，肉痛死爸Ｂ咪me了，而家見有食物就已經丫開口想食，餵食妹返來了！今日可以返學，停了兩堂今日再返。因為日日都好唱口唱I love you歌，返到學校一樣口不停，竟然引起老師青睞叫她在同學前表演唱歌，可惜yayaGigi話妹妮一企出去就突然怕醜無唱到。點解咁細個都識怕醜？希望妹妮可以克服呢個心理障外，雖然無話要去做明星要表演或什麼，不過總覺得怕醜就會比自己障外，可能好多想試的東西都會因怕醜而不敢去試呢。應該好似咪me咁厚面皮嘛！

喺自己地頭就當然多多動作，又唱又跳啦。而家可以由one數到ten了

經過個多星期特訓，妹妮已經叫做成功戒片了！不過夜晚覺豬仍然著片，日間就會識叫wee wee 或poo poo示意要帶她去厠所，而且往往都可以忍到去到坐厠先尿尿！已經成個星期無懶濕過了，而家日間無片片pat pat爽晒。

星期日妹妮會參加人生中第一個朋友仔的生日會，呢個妹妹係樓下playroom識的朋友仔，咪me當然會傍住妹妮出席啦！或且到時妹妮夠膽唱首歌來贈興呱？