Tali約去生日會

小朋友Tali星期日母親節當日在我們樓下會所開兩歲生日會，妹妮都被邀請出席。她們同另外幾個參唔多年齡的小朋友因日日去屋企樓下playroom玩而認識的。

生日會１１﹣１pm，我們一早飲完茶便怱怱回家。因為係妹妮第一次出席生日會我們準時到達，點知去到我們是第二個，第一個是妹妮另一個朋友Sophie。

kiss kiss壽星女先！

我們係頭一兩個到，小丑姐姐拎出畫紙比兩個細路解悶，妹妮有理無理見到波波先擸住個。

有客到，開始有小朋友陸續出現了。之前都有聽yayaGigi講Tali好得意，細細粒好似公仔咁。今日見她好靜，可能多陌生人吧，不過眼大大真係成個公仔一樣。

小丑姐姐有裝身counter，有好多現成手飾同紋身，妹妮淨係貼了手鍊。本來揀了winnie the pooh紋身，但當姐姐一貼上手，妹妮就驚，可能怕濕所以最後無貼

又有play dough 比小朋友玩，右邊的就是其中一個playmate Sophie了，不過今日兩人又好似無走理一齊玩過。

人齊了，大家坐低聽姐姐講睇下玩咩。

其實妹妮無咩參與遊戲架，因為其他小朋友都起碼兩三歲大，知道玩咩。妹妮仍然係攬住波波就夠。

雖然我已經幫手比指示妹妮，不過她都不及其他小朋友般積極參與。其實就算Tali都好似唔知做緊咩，不過都係佢個親戚姐姐帶住她玩。

跟住圍圈傳波波妹妮識得玩了，當音樂停就拆一層報紙，每層報紙又會跌出小禮物

其實最後每個小朋友都會中的！妹妮就中了隻膠戒子，壽星女當然會中大獎啦。

妹妮都好鐘意玩呢個‘唈唈揚揚’，仲興𡚒得一邊揚塊布一邊大叫we we wa wa！

因為塊布上有好多波波嘛！！

又擸個最大嘅波波先安樂

跟住又玩捉金魚

玩了一個鐘，終於到爸b期待的切蛋糕時間（因為即係就快走得嘛！）Tali媽並無訂一個大蛋糕，反而有好多細cup cakes等小朋友自己設計，塗上不同顔色

等到喇，開餐了！小朋友先有私家位，大人都只係企住食

今日先知妹妮識食栗米！平時比碎濕濕的栗米她都趙好耐，今日咬咬下卻又可以食到成條！

臨走時向小丑姐姐攞多幾個扭扭氣球先罷休回家

攞完花花型又攞狗仔型

今次去生日會其實大人就唔會話好與𡚒架（尢其爸Ｂ），不過陪妹妮玩等佢識多Ｄ小朋友，參加集体活動都不失為一件好事。見到妹妮玩得開心，自己都開心呢！其實一直都想幫妹妮開生日會，不過佢仲細自己都唔會知或記得開過生日會，加上要安排都唔係易事。妹妮兩歲時，唔知開唔開好呢？