７月６日係一個大日子，因為從未做過手術的我（touch wood!）今日做手術了，幸好是個簡單無痛的。其實左度右度都諗好多年了，以前又話技術未成熟又話等下先。不過還是覺得離老花還有一段日子，應該盡快享受同享用一對眼睛，於是的起心肝，去吧！！
４月又話做多幾個research問清楚先，５月又話等去完旅行先，６月終於行出第一步，打電話去養和預約。停一個星期隱形眼鏡才可驗眼，於是做了一個星期四眼龜。其實除晚間返到屋企後會戴眼鏡外，其餘時間我都戴contact lens，所以反而不習慣戴眼鏡，又夾到耳背好痛。上星期去驗眼，如意料一樣可以接受手術，由張叔銘醫生負責。張醫生話我角膜較常人厚，第時有老花都可以做lasik。 所以便預約最快時間，一星期後的７月６日！
今朝一早準時９點到達，再驗過眼後就入手術廳等。本來不是太緊張，不過聽完姑娘講解後反而覺得有點嚇。終於入手術室了，其實要做兩架機，第一架一Ｄ都無驚，第二架就是平時成日聽人講會聞到𤓓味那部。只見醫生好似加調味料般在眼睛上加不同藥水，跟住望住那點紅色開始化開，就這樣望住紅色大約兩分鐘便完成！途中的確聞到𤓓味的。跟住醫生吩咐今日全日要矇住眼，不能張開至明早。
經醫生再驗查後由等爸Ｂ來接我走了，其實己經看得清了，不過既然醫生叫要矇眼，今日就讓雙眼休息下。返歸覺豬去！
一覺醒來又第二日，雙眼已經睇得好清楚了。９點又返養和覆診，張醫生說是他手勢好所以我一Ｄ都無痛過。不過我都相信的，因為朋友，同事的經驗都話頭一，兩日會痛或流眼水，又看不到文件等小字。但我一Ｄ都無痛而且報紙都睇得到，已經好似以前戴contact lens後的較果了。所以覺得比貴Ｄ都係物有所值！點解唔早Ｄ做呢？
未來一個星期要滴眼藥水，戴返眼罩瞓覺，一個月不可化眼𤕸，不可游水，三個月不可做碰擊性運動，我以後會好好保護雙眼，盡量小做電車女了。
No comments:
Post a Comment