終於有學返

簡直可以用望川秋水形容！自豬流感停課後，一直都未有學返，每日妹妮滯留家中。summer camp開課了，今期去一間新學校。

返到學校要先洗手

yayaGigi話妹妮間新學校不錯，老師講課時好生動。這學校有１５分鐘國語課，妹妮因未聽過國語，所以好似去了外星一樣，完全不知發生什麼一樣。不過yayaGigi話妹妮都學識講國語紅色...孔Ｃ！

妹妮好鐘意照鏡，經常欣賞自己的倒影-__-"

一個星期都只返兩日學，平時在家做什麼？

好彩最近迷上lego，可以自己玩好耐都得。不過前兩日同事William話小心玩lego玩到發燒（？？）我以為是lego含有毒物質，原來是William話小朋友玩得太投入，連發夢都會諗住，他哥哥就因此發燒了。聽過後立即同yayaGigi講叫她不要比妹妮玩太多，不過這兩晚妹妮又真的半夜扎醒，看來黃昏後真要收埋lego了。

因為無活動，所以有時間便帶妹妮去游水，而家慣了自己𨅝來𨅝去

又有古怪動作，聽到mali mali 哎呀，即時大叫又狂笑，好肉緊

食飽後就太后般欣賞電視

每日yayaGigi都帶妹妮落街，不過其實都無定去！樓下遊樂場西斜晒到應，黃昏都好熱，playroom又關埋，有時去tennis court比她跑來跑去。

如果網球場有人用，又小一個去處了。唯有在外面望下人打波啦

或且睇下花花草草

有時去盪下千秋，不過一陣就話要走。見yayaGigi拖住妹妮手仔在屋苑盪來盪去我都戥她們悶！個playroom 幾時先肯開返呢？