今個weekend

７月４日，美國國慶，今日亦係Winny大日子！！今晚去飲好開心，等了呢餐好耐了，好戥一對新人開心。加上今日好多新舊同事一起，可以聚下舊。可惜妹妮早瞓，否則都想帶妹妮去賀Winny姐姐的大日子！妹妮，Winny姐姐在你未出世時差不多日日都隔住咪me肚皮同你傾偈呢！今日見到Winny在宣讀誓詞時感動到落淚，有點守得雲開見月明的感覺，兩人經歷十年，終於修成正果，恭喜！

＊＊＊＊＊＊＊＊＊＊

７月５日，今朝一早比妹妮同大肥玩，一見大肥就猛叫cat cat。好彩大肥一向好嗲又好鐘意被人摸，妹妮來到就啱晒！但我去攞相機反轉頭時，見妹妮原來不是摸下大肥而係掹大肥貓尾。不過大肥性格溫順，一Ｄ都無發惡，只是一味避開。

妹妮更企圖迫它埋牆

當我叫住妹妮don't pull tail，妹妮就即刻改為摸摸，啱晒大肥心意。仲篤住大肥眼話‘eyes’ -___-"

大肥都好鐘意妹妮架

妹妮精力沖沛，無時停，成日在屋企由門口到𥦬台走來走去。而且又開始有脾氣，會指人做佢想要的，又易喊，不過好彩好易tum。如果爸Ｂ咪me扮唔開心妹妮都會過來鍚返我們，加句sorry daddy sorry mommy。

仲有一樣成日忘記講的，就係妹妮大解。好笑的每次um um都會先要我們給她一張tissue，因為她谷um um時會臉紅，眼泛淚光，張紙巾就會她自己好似婆仔的印下印下印走淚水。而當呵um um時，個樣好似好集中精神的，成個頭都紅埋，勁好笑，有機會都想拍低留返黎笑下！

又玩yoga，今次係downward facing dog。好耐無做呢個pose。

仲任影唔嬲

今晚係最後一晚戴眼鏡了，呢一刻心情都有些忐忑。其實又不是太緊張的，不過一雙近視眼都跟我廿年了，從明天起雙眼如無意外會可以再見‘光明’，過沒有眼鏡的日子了，有Ｄ奇怪感覺囉！！矇矇濃濃的視野，bye bye！！！