大個女

大個女而家可以自己砌到一個圖案了，今次砌鷄仔。妹妮已經熟晒呢副puzzle，見到一塊已經嗡得出係邊種動物了。

砌好後會自己讚自己‘very good Aerin, thumb up’連手指公都豎起埋，真係好難頂。

每朝鐘意到爸Ｂ咪me張床碌一輪，玩下puzzle，lego又睇下書，呢樣已經係每日例牌了。

大笑姑婆

一日yayaGigi暗妹妮午睡，妹妮有個怪習係要𢱑住人手踭瞓。yayaGigi聽到妹妮依依哦哦自言自語話‘Ｉ笠 xxxxx’，yayaGigi話好開心以為妹妮話‘I love yaya’，於是問妹妮係咪講‘I love yaya’呀？點知無情妹妮另個頭用眼尾稍了yayaGigi一眼話‘no, I love elbow’...yayaGigi話真係無癮，講個大話tum下都好吖！

開始可以用甩繩馬騮形容妹妮，今日我地去宜家想睇下Ｄ兒童枱櫈，點知隻馬騮自己玩到走來走去，捉都捉唔住，又唔比拖住。開始感受到terribe 2了。

有晒證據，係跳緊架！

本來唔玩到肯走，要話有去食雪糕先乖乖肯走。有得食雪糕真係咩都得! -__-"

近排飲茶興自己揸住塊簿牚咬，話‘Aerin eating hamburger’喎，話佢知叫pancake，佢係話呢件係hamburger。。。

朝早同爸Ｂ浸浴，平時無咁多bubble架，所以玩得好開心！

妹妮第一個親手製燈籠，玩兩下已經爛爛地

前日同wendy經過sogo樓下見到的牛奶布甸，個樣好精緻。個樽又可以返用黎整啫喱，於是買了幾樽，仲有保溫袋仔送，原味同芝士味都買齊。

食落我鐘意原味多Ｄ，芝士味似芝士蛋糕。妹妮一人自己𢳂𢳂下食晒一樽！