小禮物...大成功！

今個聖誕諗唔到送咩比妹妮...其實諗番起我同爸Ｂ都無認認真真送個禮物比妹妮。就算妹妮過去兩次生日都無真係買過份正式的生日禮物咁。今年聖誕我就要突破呢個悶局，順便為即將去旅行準備，織條溫暖牌比妹妮！

都無織野好多年了，對上一次係識了件爸Ｂ都唔敢著出街的bias cut冷背心，因為形狀奇怪（雖然只是全高針），所以叫做bias cut囉。無織多年，心血來潮想織一條，但限於機本知識只識織高或低針，一切搬針，扭繩之類都唔識。於是上網睇完織法解說，覺得自己都理解到點織，於是衝去冷鋪買了一舊冷（老板話我織呢種一舊就夠），配埋冷針同扣針。

本來織之前都影左張相，不過唔知點解完來無save到。

開始時都拆了幾次再試的，本來想織高針的，不過試來試去織極都係低針，見效果都ＯＫ，照去啦！織好十五行之後就係重要時刻，因為我都未試過咁織...要將針數梅花間竹咁用holder分開兩邊做‘彈弓位’。此時個扣針就出動喇，扣住其中一半。

搞掂！真係唔難噃！成功織好彈弓位，將兩邊合番埋。

一路織，用左一日就織好喇！！！so proud of myself! 連自己都覺得自己有天份呀！

一條溫暖牌就此誕生！去日本都唔會冷親！！！今晚會包得靚靚擺係聖誕樹底，聽晚聖誕party時便可以拆禮物了！呢個正係small present，應該啱妹妮胃口呱。

除blog加送妹妮据鷄照幾幅，睇佢据得幾有大師風範！