生日會

星期日下晝瞓醒覺豬，我同妹妮去朋友仔Hilina的生日會喇！妹妮因為知道有party去，連晏覺都唔想瞓，攤係張床踢腳又唱歌，後來要爸Ｂ話你再唔瞓就自己留係屋企，佢先驚到喊完一輪攰到瞓著咋。

出門前我揀左３套衫仔，妹妮就揀左呢套，一睇就知妹妮係麻甩性格啦！我地兩母女出發去中環My Gym去！點解爸Ｂ唔去？因為自私的爸Ｂ一句唔想social，就得我單拖去囉。

主人翁Hilina，３歲生日了！我地自從上年一月聚過後都無見成年喇，其實妹妮都唔記得Hilina了，不過都有kiss and hug壽星女。因為無見一年，我仲以為Hilina都應該好高大了，點知又係妹妮大隻Ｄ，經過見過好多朋友的仔女，妹妮都大件過晒佢地，我開始有Ｄ擔心妹妮係咪真係太大件呢？

唔係拉住佢都影唔到合照，因為妹妮一入到個場就好似放狗一樣自己東奔西跑，有彈床更加跳到癩左！愈跌低就愈high，等我仲驚佢痛，點知原來丫晒口係大笑緊

又有另一個朋友仔呀，係力行哥哥，對上一次見面都係成年前了，我地真係要搞多Ｄ聚會比佢地聚下頭先得呀。

去到波波池就話自己swimming

力行哥哥同思行妹妹，三個細路一個墟

到圍圈玩遊戲，睇下妹妮而家可唔可以專心跟到先。

um...都總算有比面聽下姐姐講咩

又跟到人地做動作

舊病又復發喇，以前去art play班圍圈時都係無啦啦走左去個圈中間架，今次又係咁！！連Hilina媽咪都話妹妮咁大膽一Ｄ都唔怕醜...　不過聽左一陣妹妮最後都係比周圍的設施吸引，走開繼續自己跳。

基本上妹妮無停過來回彈床同波波池之間，好彩有野食可以唞一唞咋。

嘩 birthday girl 出場了！坐住車繞場一週

切蛋糕了！今日有兩個蛋糕呀，初頭擺出黎我都擔心Ｄ細路一野叉隻手埋去，幸好並無發生

妹妮借人做佈景影下相先

好多小朋友都‘候’住個蛋糕噃，妹妮仲雙手擺後企定定等食潻

好野有得食，第一口食到好多cream即係lur出來，然後話Aerin don like cream -_-"，咁cake呢？佢答I like cake，no cream 

臨散場又派小禮物同玩具，妹妮吹極都吹唔到

嘩，有balloon 潻！今次居然出奇地唔要Elmo要米奇。

雖然短短兩個鐘，但係又驚妹妮會玩得太癩跌親，雙眼一直盯住佢，都咪話唔攰！其實就好似帶左佢去playtown一樣，只係要盯住佢玩跟出跟入，連同朋友傾多兩句既時間都無，你見同朋友仔合照都係得幾張就知啦！都唔知點解咁驚去social呢？

返到屋企原來回禮係太陽眼鏡呀！！妹妮即刻變身大明星