又一週未

又到weekend，一早食過早餐我同爸Ｂ又要諗下帶妹妮去邊到玩好，因為天黑黑好似想落雨咁，唯有近近地去商場的公園，落起雨都走得快Ｄ嘛。

好耐無去elements公園，今次比妹妮發現有望遠鏡！因為睇barney vcd時見過望遠鏡，妹妮一見圓筒形物件就會當係望遠鏡睇野，連電子琴上個mic stand都當係望遠鏡，單起隻眼去‘裝’，有時又攞個厠紙筒黎‘裝’，點知比我發現佢單起隻眼，但係應該用黎望望遠鏡隻眼就咪埋，反而應該咪埋個隻眼就張開。傻豬，咁比個真既望遠鏡你都睇唔到野啦！

似模似樣，但其實隻眼係咪埋既！

呢個網高得滯，行既時候有Ｄ驚，要爸Ｂ在側邊傍住先敢行。

而家坐得穩可以同爸Ｂ玩下變種搖搖板昅上昅落

瞓低玩sir滑梯依舊咪埋雙眼

下晝瞓醒覺見到無見一排的姨丈，妹妮唔知係怕醜定係驚，居然扁扁咀作想喊狀。玩一陣拉開話題先relax番

點知轉個頭已經撩人玩掟波波

一包爆谷更加溶掉所有隔膜，自從妹妮兩歲生日在迪士尼試食過爆谷後，無再食過，今次聽到popcorn已經猛話要食。

難得有得食，仲唔食番夠本？

仲走去同姨丈一齊jam 歌潻！

有栗米亦唔放過

見熱仲識邊搖頭邊吹凍件栗米，呢排妹妮好大食，唔知兩歲以上仲有無猛長期呢？妹妮最近食不停，成日話要食野，或且見到有咩都好似餓狗一樣吖晒口想食，不過人人都話細路返學後容易病而且一病就廋，所以由得佢食得幾多得幾多囉，當打抵啦。

天氣報告係妹妮飛佛之一，不過每次睇都唔知點解要呢埋或者要掩眼，今次就呢係yayaGigi後面裝。

星期日去飲茶有電視睇，又黎要爸Ｂ掩眼，傻豬！

之後又咪埋眼sir 滑梯，開始有點雨，妹妮好乖，sir左兩次我地話要bye bye slide，佢真係聽話同滑梯講bye bye，仲話see you next week潻。

下晝又同爸Ｂ去跑步

有做熱身架！

有無發覺妹妮個髪形唔同左？因為yayaGigi幫佢剪左碎蔭呀，我覺得之前齊蔭cute D呀，不過碎蔭可能涼Ｄ呱。但係一瞓醒就變成公鷄頭，好似啱啱出世時個髪形呀。

個公鷄頭真係好搞鬼呀！