暑假最後衝刺。。。迪士尼

聽日就開學喇，星期五終於約定爸Ｂ早Ｄ放工鼠入迪士尼陪妹妮玩過夠！其實妹妮自從見到電視上史迪仔巡遊廣告後，妹妮已經猛指住個電視話‘I want to go to the parade!’。講了幾個星期，天氣又成日落雨，今個星期係開學前最後一激了，就星期五去啦！好彩星期一至四都落雨，偏偏星期五好天！lets go!!

我地都係揀４點幾先出發，一來上半晝仲要返工，二來晏Ｄ無咁熱。點知入到樂園因西斜關係仍然熱爆！第一樣玩下木馬先，因為妹妮一見到木馬就狂叫merry go round。

呢個一round可以坐到好多人，所以都排得最快。

初初自己個人坐仲可以，慢慢開始臉有難色了

有爸Ｂ陪坐就開心番晒！

入到樂園已經過了一點同四點的巡遊，好彩６點仲有史迪仔遊大街。我地玩完木馬仲有半個鐘，啱啱攝到時間去睇金裝米奇３Ｄ電影。

今次係妹妮第一次入場睇golden Mickey呀，因為對上一次已經係兩歲生日時去了，仲記得一開場已經比Ｄ音效嚇到走人。而家大個咁多，上次去東京hello kitty land睇鬼太郎都成功挑戰，今次應該ＯＫ呱。

最衰係開場後太黑影唔到相，我見妹妮好多時都擘大晒個口架，應該係有Ｄ驚又有Ｄ興𡚒吧。好似有一part有Ｄ水點射出黎，佢都係硬晒咁吖大個口架。

啱啱好趕去大行睇parade，點知見到史迪仔，不過已經截隊無得排了，妹妮唯有望門輕嘆啦，好彩妹妮幾易tum，好易就帶到佢去大街了。

妹妮叫呢隻Mr Incredible 做 cra-di-步。

大街坐滿人了，我地反而霸了個垃圾桶頂坐。兩父女都係成日吖大個口！

睇得幾開心！

其實上次（大約七月去旅行前）都有呢個巡遊，不過妹妮上次好moody又驚無走出大街一齊玩拋波波。今次有爸Ｂ帶住一齊玩，好開心！

雖然矮過人（多數都係Ｄ大Ｄ既小朋友），但係媽me一邊揸機一邊搶波架！妹妮都有機會掂下個波波。

玩完拋波波後仲有拉出帳幕，妹妮平時成日要我同佢hide in the tent(呢入被入面扮露營），今次更係無有怕啦！

點知之後大家一齊跳舞妹妮反而就開始驚，開始扭計要爸Ｂ抱抱了。

於是我地又入番去城堡後面，每次叫妹妮笑，佢都會好勉強的戚起個咀。

好耐無遇到幫人影相的哥哥了，今日遇到就叫佢幫我地影全家幅喇喂！

不過媽me無塗唇膏加上朝早個𤕸都溶晒，影相時成個菲菲咁！真係恨有妹妮呢Ｄ小朋友皮膚呀，唔駛化𤕸都白裏透紅。

之後哥哥幫妹妮影單人相，你睇佢面部表情幾僵硬！叫佢都係戚起一邊咀角咋！

仲有小小呆滯，哥哥叫佢伸出雙手（應該會係雙手做Ｄ電腦效果），但係妹妮神情呆滯了，我地都無去鋪頭睇番Ｄ相呀。。。爸Ｂ話又唔會買，不過其實想去睇下由樂園攝影師影出黎會有咩效果呀。

跟住妹妮話要再戰honey pot，我地以前每次都有坐honey pot架，不過每次妹妮都驚到要揞晒眼！佢自己比較記得就係上次囉，所以今次叫住話要再坐

點知一坐低已經咪埋了眼！！！

全程都係咪埋晒眼架

係間中開眼裝下，出到去夠光了，就擘番大對豆豉眼！

我地影低了樂園偷拍張相呀

次次去樂園主打都係玩幾樣相同遊戲，今次居然影相居多，事關妹妮見到groofy，於是我地去了從未去過我影相亭。輪到妹妮，行埋去時居然無即時hug groofy，而係擺甫士！！！groofy都頂佢唔順

我地叫佢埋去hug groofy先識行埋Ｄ。

之後去見minnie仲冧！一行埋minnie度就同minnie講：minnie I love you, I'm Aerin。你睇連minnie都有驚訝既手勢呀！！

仲攬實妹妮潻（當然我知個個都係咁攬住影相架啦）

大合照

跟住到tigger

同pluto

到mickey mouse時又要等佢take break，妹妮排到第一索性出去行

連米奇都影埋了！今次係同得最多卡通人物影相既一次，過往咁多次加埋都唔夠今次咁多呀！

我地跟住同好耐無見既Wendy姐姐短聚一陣，Wendy姐姐係妹妮幾個月大時已經認識了，真係睇住妹妮大架！今次送左套閃卡仔比妹妮玩呀。

而家大個好多，自己走來走去了

尾站係睇煙花，尾二呢站相信係妹妮最鐘意既。。。玩水！

盡情整到自己濕晒為止！

本來想去玩埋space mountain，點知工作人員話妹妮未夠高彈番我地出黎。妹妮興高彩烈諗住坐太空船，又點可以令佢失望？我地轉去玩埋太空船先啦

煙花都無睇晒就走了，今日真係好好好熱呀！！我同爸Ｂ都成身臭晒架！真係幾辛苦架，不過妹妮開心無計啦，都焗住要去啦。

應承小朋友點都要脫現架，好似入樂園時妹妮已經話要個氣球，但係我地話而家買又唔可以拎住去玩，又會比人攞左架，臨走先買啦。佢立即話ok無扭計，點知臨走真係醒起要買個氣球喎！！咁無得再呃既情況下唯有買囉！