週末搵節目 ﹣新playtown

好耐無去游水, 星期六帶妹妮落去玩下水啦. 唔知係咪高左,而家個人好似'了'好多,個身仔都無以前咁多肉呀.

無啦啦又話要‘咪’埋眼，古靈精怪

上次買左條棒棒，yayaGigi話呢條叫做noodle。不過妹妮無點玩過，都係游水多Ｄ。

沖乾淨涼我地去飲茶，又去聘珍樓，今次妹妮食左成大半個苧角。而家開始鐘意食香口野喇，希望唔好食上癮啦！

自己揹住個背襄，成個大個女一樣呀！

下晝屋企例必聚集晒姑姐，姑媽，大伯，嫲嫲等。妹妮最新表演項目係俞伽

星期日我地去新蒲崗食早餐，我對呢個地方又愛又恨。以前公公間公司係新蒲崗，日日都係呢度出入，留低不小腳毛。但係當時並不enjoy工作，每一提起工作就覺得好煩厭，因為太厭了。而家已經脫離了，再經過呢個spend了咁多時間既地方，以前既大廈有Ｄ都改成大型屋苑，都幾感慨架。

食完早餐比爸Ｂ老點去左九龍灣展貿，因為爸Ｂ睇報紙見有hello kitty event，於是一早就同妹妮講今日會去探hello kitty，點知去到問人先知個event要８月中先開始架！我地急急腳轉呔去官塘新開既playtown，啱啱之前一日先開張架，去之前落吉之島買Ｄ飲品同幾對襪先。妹妮坐呢種手推車，雙腳都差不多掂地了。

呢間主題係timegate，同本店candy唔同feel。

呢度對我地九龍人真係方便好多，不過Ｄ顔色就寡Ｄ。另外比寶翠園個邊多左爬山。好pro架，有個哥哥幫你著好爬山裝備架。

妹妮爬到頂架，不過玩左一陣就話唔好玩喇，再經過個哥哥問佢仲玩唔玩都洒晒手。

其他設施大至上同寶翠園個邊差不多，不過就整體就細小小，同埋無咁colorful。

除左大滑梯都有tunnel，而且係扭扭型的，sir落黎真係好快架！

一樣有射波波既波波池。

妹妮每次去到playtown都hyper到唔會攰，爸Ｂ都頂唔順要由我頂上

最騎呢係我同妹妮呢係呢太空船入面既時候，佢就成日望住出面個外藉叔叔同個ＢＢ。我問佢係咪想同個ＢＢ玩，妹妮又話唔係。點知原來佢睇中個叔叔呀，猛問我where is uncle!!

呢，就係呢個大隻佬叔叔喇！！我地隔左成半個鐘之後迎面再相遇，妹妮即時一手拉住我隻手，一手指住個大隻佬uncle再Ｏ晒咀咁話：Ｏ，uncle!!!　於是我叫佢同人say hello，妹妮即時猛揮手，可惜個大隻佬uncle大高睇佢唔到，我唯有行到埋個大隻佬度同佢講聲妹妮想同佢say hello。。。真係𢱑爆頭呀，妹妮諗咩呢？？