迪欣湖

又追番上個再上個星期日(11月20日), 我地一早就起身諗住去迪欣湖玩. 妹妮次次揹親呢個背包就要buckle up, 好似人地去行山咁

爸B成日話迪欣湖d parking好早就爆, 所以一早就催我地快d出門, 我地準時8點鐘出發, 仲去麥記買埋早餐潻!

 

妹妮一路係車上食薯餅, 猛話so yummy, 我諗細路都鐘意食呢d香口食物. 點知我地去到迪欣湖連閘都無開!! 睇清楚原來個湖每日9點先開架!!

我地唯有自娛一番, 影下相啦

上星期叫yaya幫妹妮剪下頭髮, 想剪番上年個冬菇頭, 不過yaya話剪左頭髮無得扎辮, 於是剪小小先啦, 等佢個懞樣出番黎! 妹妮冬菇頭個樣細個d架, 無長髪時咁老積, bb番d.

有成半個鐘要等, 好彩天上大把飛機經過比妹妮睇! 不過都睇到托晒頭.

我地因為最早到, 係第一架車入去呀, 原來個parking 真係好快爆架, 半個鐘後已經有車籠排隊了.

影相都幾靚噃! 好有秋天郊遊feel呀!

話明叫湖, 硬係有得牚船啦, 不過見無人又無counter, 我地得個睇字!

都係去公園玩下算了

爸b fing到咁高, 妹妮好似有d驚驚

轉玩搖搖板

我地無帶衫換呀, 如果唔係妹妮就一定走埋去玩呀, 因為有d鬼妹鬼仔剝淨條底褲係度玩, 妹妮得個睇字.

好彩呢度有間7仔, 有小食買下

二話不說要食雪糕! 而家已經無之前咁淨係lam lam下, 溶晒都未食完, 而家識大啖大啖咁咬了!

同爸b玩捉迷藏, 居然呢係棵咁幼既樹後面!

點會搵你唔到吖!

兩父女

近排妹妮講多左好多笑話, 幾個星期前佢第一次描述發惡夢, 以前淨係識喊, 但今次早晨起身後爬上我張床, 碌左一陣先話 : its a skeleton, he's inside (即係係房入面) i tell him to go outside but still here (我問咁點呀?) i cry...原來佢半夜發呢個惡夢嚇到醒左呀.

一歲都未夠時買落既乾濕褸仔, 而家啱啱好喇! 雖然之前係大大件, 但係過去兩年都有摺袖著過架, 所以無嘥過, 而家著仲好好睇呀!