花墟, 金魚街, 畢業禮

仍然係11月14日，未去下晝Veronique既生日會之前，其實一早我地已經做左好多野 了！我地一早去左花墟附近同埋公公，姨姨食早餐。

點解咁早去花墟？因為今日舅父德行畢業禮呀，已經係第2個degree了。因為只攞到3張飛，只有公公，EE同我有份去，我地一齊食早餐後去買花。

平時好小去花墟架，難得今日又早又小人，同妹妮去行下。

佢見到花花就要聞，聞完仲好誇張咁大力索話好香呀。

D花真係好靚呀，見到都想買，以前爸B都會在情人節送下花，而家？無lu！

等扎花包好我就同爸B妹妮分道揚鏢，我同公公EE去港大觀禮去，爸B就帶妹妮去金魚街逛下

今日有兩個law school既degree行禮，都有成近百人畢業架。

呢扎就係我地買既花嘞，係蕙蘭黎架

全家福，如果婆婆係度一定會好開心！

唔知點解香港人咁鐘意拎住隻公仔影畢業相？？

畢業禮後要趕返屋企，帶妹妮走下場去生日會呀。點知見到兩隻新朋友！

 

因為無魚缸，我地用個花樽裝住條魚又驚佢地唔夠空氣。於是又嗱嗱聲去買個泵，點知又嫌大聲得滯，跟住又摷到另一個兜當魚缸用。

妹妮幫兩條魚改左名潻呀，橙色係細佬，紅白係哥哥。初初我都唔記得邊個打邊個，點知佢居然記得一清二楚。。。直至前幾日細佬瓜柴，妹妮仲話細佬is diving，我話唔係diving 係dying呀。而家佢知道得番哥哥，不過卻無唔開心，可能去以為細佬只係走左啫。

話時話最近妹妮識幫自己畫手仔，平時成日要我地幫佢畫，而家識自己沿住手仔困邊了！

最難頂係佢唔只畫手印，仲幫自己用臘筆搽甲油

。。。仲話just like mami's 潻！

 

最近仲叻到識寫自己個名呀!! 雖然有D寫到晝符一樣, 不過算係咁啦, 係個R字因為要轉彎佢話I can't do it 要我地幫手, 其餘幾個字母都自己寫到呀!! 佢認得自己個名, 不過暫時未串到, 仲係將d次序撈亂晒!

 

幾自豪!!