又追番上星期日，我地又有生日會去呀！！呢兩三個月計埋自己個生日會總共參加了 5 次party咁多，不過party唔嫌多，每次妹妮都樂而忘返！
今次係Veronique姐姐5歲生日，我地第一次見面咋！就有份去party，事關Veronique媽咪係我中學同學嘛，今次仲見到D無聯絡好多年既同學潻！大家都有小朋友了，而且都差唔多年紀。今次party係個gym room咁，有平衡木，跳彈床等，你睇妹妮都行到平衡木噃！
終於同到主角影相了，粉紅色衫就係壽星女喇！
無耐就有集體活動，玩下‘七彩毯’（唔知呢張叫咩名呀）warm up下先
小朋友按手帶色分組坐，因為主持活動個姐姐講廣東話，而且指示都幾複雜，所以我諗妹妮都未必聽得入腦。
所以要我叫佢做佢先知道要做D咩
呆企等緊接力呀，並唔係話企左好耐，不過真係呆左咁企係度，因為佢都唔知做緊咩。
被碌到終點！
玩完一輪接力賽之後，大家一齊影大合照，我地同Clara一齊坐。
大家一齊影相，氣紛好好呀，連妹妮都學人舉高隻手！
之後小休一陣再入房切蛋糕，妹妮同Clara都係遊雲一樣，可能3歲都未能另佢地好集中注意力。只要無野玩就坐係度發夢。
嘩，Veronique姐姐換左衫仲set 埋頭呀，咁靚硬係要埋去影下相啦！
壽星女，仲有啱啱出世6個星期既妹妹呀，今日全程由爸爸抱住。
Clare同妹妮就等食蛋糕
仲有小丑表演，不過妹妮同Clara就無其他大個D既小朋友咁醒識舉手出去玩。
跟住又出番去再玩過
今日兩個變左孖妹成日痴埋一齊
Clara不嬲都係高妹一簇，因為爸爸媽媽都係高人黎架，不過今次比大隻妹妮追過小小。妹妮仲要重過Clara成6磅，我開始驚佢係超重呀。
臨走仲有禮物攞，你話細路點會唔鐘意去party吖！！
落到街孖妹都拖住手，真係friend到你唔信呀。一路行仲一路大聲唱生日歌，連路人都望住佢兩個，我地約好聖誕再搞party等班小朋友又有節目。妹妮上到的士都仲同我講：我同Clara一齊開party呀！！
No comments:
Post a Comment