校服誘惑

好快又踏入十一月了，天氣剛剛上星期轉涼了，妹妮今年去到新學校所以又要破費買校服喇。因為學校通告話明十一月先開始換季，於是便十月底先去買啦。點知十月最後幾日開始轉涼已經有小朋友換季了，我說嗱嗱聲去買囉。盛惠＄1098！！！

除左恤衫我每樣買一件咋，因為隔日著PE衫同校裙，著既次數唔係好密。

十一月一日換季大日子，之前妹妮間鬼仔學校一至五都係運動服為校服，好causal，而家又有恤衫又有裙，又有冷衫，灰襪，PE衫同埋最緊要既校褸！

 

Yaya每朝都幫妹妮設計髪型，D頭飾都係佢放假時去中環買的。。。雖然有D leung，不過間中扎下都將得意吖！

 

妹妮校服look，最巴弊件校褸未出場，件校褸係有毛毛裡既中褸黎架！淨係女仔有份咋，男仔係平時普通既校褸黎架。我都未見過咁靚既校褸呀！

通常一早就會畫下畫，剪下紙先肯返學，所以每朝7點就有人肉閙鐘叫醒我地喇

著冬季校服好似大個好多呀，不過灰襪就可以見到鞋仔既白色花邊。

成個小學生咁！

加埋書包同甫士，問你死未？

二，四就著PE衫

放學返黎拆左個髻仔，變左電髪Look！

 

 咦！咁似媽me個髪型既？